Landkreis Bremervöör

Vun Wikipedia
(wiederwiest vun Ooltkreis Bremervöör)
Wesseln na: Navigatschoon, Söök
Wapen Koort
Wapen vun’n Landkreis Bremervöör Laag vun’n Landkreis Bremervöör in’n hüütigen Landkreis Rodenborg (Wümm) in Neddersassen
Grunddaten
Bestandstietruum: 1884–1977
Bundsland: Nedersassen
Regeerensbezirk: Stood
Kreisstadt: Bremervöör
Flach: 1.240,8 km²
Inwahners: 72.413 (27. Mai 1970)
Inwahnerdicht: 58
Kfz-Kennteken: BRV (ehmols)
Updeelen: 109 Gemenen

De Landkreis Bremervöör weer bit 1977 en Rebeetskörperschaft in Neddersassen. Kreisstadt un Sitt vun de Verwalten weer de Stadt Bremervöör, wo ok de Naam vun afkummt.

Geografie[ännern | Bornkood ännern]

In’n Noorden von’n Kreis Bremervöör leeg de Kreis Neehuus un in’n Oosten de Kreis Stood. In’n Süden dee de Kreis an’n Kreis Zeven grenzen un in’n Süüdwesten an’n Kreis Oosterholt. In’n Westen weer de Kreis Geestmünn un in’n Noordwesten de Kreis Leh.

Nadem de Kreis Bremervöör 1932 mit’n Kreis Zeven tohoopgahn is, harr de Landkreis in’n Oosten ok noch en Grenz mit’n Landkreis Horborg, in’n Süden mit’n Landkreis Rodenborg un in’n Süüdwesten mit’n Landkreis Veern.

Historie[ännern | Bornkood ännern]

De Landkreis Bremervöör is 1884 grünnt worrn, nadem sik Preußen 1866 dat Land Hannober anegent hett un as Provinz Hannober inrichten dee. Dat Rebeet weer vörher al ünner den Naam Stoder Geestkreis ut de sülsvtstännige Stadt Bremervöör, dat Amt Bremervöör un dat Dörp Öölm ut dat Amt Himmelpoorten billt worrn. De Landkreis weer den Regeerensbezirk Stood toordent. In’t Johr 1932 is dat Rebeet mit den Kreis Zeven tosamenleggt worrn, de op de Koort baven ’n beten heller dorstellt is.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Bremervöör op Landkreis Bremervöör ännert.

Na den Tweten Weltkrieg hett de Landkreis Bremervöör de Paatschap för den Landkreis Stuhm in Westpreußen övernahmen.

De Landkreis harr Bestand bit 1977, as he in’n Rahmen vun de Kommunalreform oplöst un in den hüütigen Landkreis Rodenborg (Wümm) inordent worrn is.

Dat fröhere Kfz-Kennteken vun’n Landkreis weer BRV, dat ok Anfang vun de 2000er Johren af un an noch an Fohrtüüch to finnen is, de vör de Reform 1977 för’n Stratenverkehr tolaten worrn sünd. Dat sünd vör allen Fohrtüüch un Hangers ut de Land- un Forstweertschap. In de Naverlandkreisen möken sik de Lüüd mit dat Kennteken en Spaaß un seggen, dat stünn för „Banditen, Rövers un Verbrekers“.

Inwahnertallen[ännern | Bornkood ännern]

Inwahners[1] 1890 1900 1910 1925 1933 1939 1961 1969
Zeven 14060 15318 15825 20569
Bremervöör 17040 18159 19858 22305 44021 45455 69427 72700

Politik[ännern | Bornkood ännern]

Landrööt[ännern | Bornkood ännern]

Born:[2]

Böverkreisdirekters[ännern | Bornkood ännern]

Gemenen[ännern | Bornkood ännern]

De Gemenen von’n Kreis Bremervöör (Stand 1. Dezember 1910, ahn Kreis Zeven):

Gemeen Inwahners Gemeen Inwahners Gemeen Inwahners Gemeen Inwahners
Ah 58 Alfst 418 Annerlingen 209 Augussendorp 328
Augussendorper Moor, Goodsbezirk 0 Barchel 291 Barkhusen 230 Basdaal 324
Bevern 630 Beverner Holt, Forstbezirk 0 Bremervöör 3.864 Brillit 247
Byhusen 180 Dahldörp 168 Deins 196 Eekholt, Forstbezirk 0
Eenstellige Hööv 191 Eversdörp 579 Fahrendahl 102 Fohrendörp 363
Farven 225 Fehrenbrook 63 Findörp 246 Friedrichsdörp 247
Geestdörp * Glinn 158 Gnarrenborg 820 Grafel 135
Granst 138 Haßel 144 Heesdörp 548 Hinzel, Forstbezirk 24
Hipst 161 Hönau 172 Horst 26 Isheim 196
Karkwist 161 Klenkendörp 356 Kolheim 134 Kuhs 582
Kuhstermoor 265 Langenhusen 317 Lavenst 128 Lindörp 161
Malst 165 Mehdörp 332 Minst 159 Mintenborg 85
Neendamm 127 Neer-Ochenhusen 523 Ochenhusen 227 Ohrel 235
Öölm 872 Ooltwist 112 Öös 178 Oostendörp 330
Örel 475 Ottendörp 120 Parnwinkel 165 Plönjeshusen 123
Poggmöhlen 54 Rübehorst 46 Sandbossel 142 Sassenholt 154
Seedörp 193 Sprekens 100 Stemmermöhlen 64 Sürsen 809
Tingo 83 Volkmarst 200
* Geestdörp is 1904 Deel von Gnarrenborg worrn un harr 1895 444 Inwahners

Borns[ännern | Bornkood ännern]

  1. M. Rademacher Geschichte on Demand Daten vun de Kreisen in de Provinz Hannober
  2. Territoriale Veränderungen in Deutschland und deutsch verwalteten Gebieten 1874 - 1945