Ooldklooster

Vun Wikipedia
(wiederwiest vun Ooltklooster)
Wesseln na: Navigatschoon, Söök
Wapen/Flagg Koort
Wapen vun Ooldklooster
Ooldklooster
Laag vun Ooldklooster in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners:
Postleettall: 21614
Vörwahl: 04161
Geograafsche Laag:
Koordinaten:53° 27′ N, 9° 46′ O
53° 27′ N, 9° 46′ O

Ooldklooster (hoochdüütsch Altkloster) is en Oort in de Gemeen Buxthu in’n Landkreis Stood, Neddersassen.

Geografie[ännern | Bornkood ännern]

Ooldklooster liggt an de Eest op de Stoder Geest, nich wied von’n Rand hen na Moor un Masch.

De Naveröörd sünd Buxthu in’n Noordoosten, Eindörp in’n Süüdoosten, Pippens un Heimbrook in’n Süden, Ottens un Obbens in’n Süüdwesten, Grundolendörp in’n Westen un Heendörp, Neeklooster un Heitmannshusen in’n Noordwesten.

Historie[ännern | Bornkood ännern]

De Eddellüüd Gerlach un Henrik von Buxthu harrn keen Söhns hatt un wullen 1197 mit jemehr Besitt en Klooster stiften. Mit Verlööv von Bischop Rudolf von Veern is denn bi Ooldklooster en neet Benediktiner-Nunnenklooster anleggt worrn.

Wohrschienlich 1285 is denn dicht bi dat Klooster von’n Bremer Arzbischop Gisbert vun Bronchorst en Stadt anleggt worrn. Disse Stadt hett later Buxthu heten. Eerst nadem 1286 dat Klooster an de Lüh na Bredenbeek ümtagen is, hett Bredenbeek Neeklooster heten un Ooldklooster hett sien hüdigen Naam kregen. Na’n Westfäälschen Freden 1648 in de Swedentied dröff dat Klooster nich mehr wiedermaken. De Nunnen dröffen noch bet to jemehr Dood in’t Klooster blieven, aver dat schull kene ne’en Nunnen mehr geven. Ut den Kloosterbezirk is denn dat Amt Ooldklooster worrn.

De letzte Pastoor in de Kloosterkark, Heribert von Schapen, is 1695 doodbleven un de Lüüd ut Ooldklooster güngen denn na Buxthu na Kark. De Kloosterkark is 1769 dalreten worrn.

Nadem dat mit dat Klooster toenn weer, weer Ooldklooster man noch en lütt Buurdörp. Eerst as Johann Hinrich Winter 1816 de lüttje Poppeermöhl, de dat al siet opminnst 1622 geven harr, köfft un utboot hett, hett sik dat wedder ännert. 1865 is ut dat Ünnernehmen en AG worrn. Üm 1900 hebbt in de Wintersche Poppeerfabrik mehr as 300 Lüüd arbeidt. Bi en Brand 1917 is de Fabrik meist kumplett afbrennt un 1925 hett de Fabrik denn dichtmaakt. Op dat Gelänn von de Fabrik weer denn von 1954 af an de Obstmosterei Klindtworth, de 1968 von Granini köfft worrn is. Dat Granini-Wark hett 1994 dichtmaakt.

Dat Amt Ooldklooster is an’n 1. Juli 1823 oplööst worrn un weer denn Deel von dat Amt Harsfeld, wat dat bet 1885 bleven is, as Ooldklooster to’n Kreis Stood kamen is.

In’n Eersten Weltkrieg sünd 119 Soldaten ut Ooldklooster fullen oder vermisst[1].

Ooldklooster is 1931 Deel von de Gemeen Buxthu worrn.

Inwahnertall[ännern | Bornkood ännern]

Johr Inwahners
1824-00-00 1824[2] 31 Füürsteden
1848-00-00 1848[3] 277 Lüüd. 34 Hüüs
1910-12-011. Dezember 1910[4] 2.770

Religion[ännern | Bornkood ännern]

Ooldklooster is evangeelsch präägt präägt un höört to dat Kaspel von de St.-Petri-Kark in Buxthu. För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht bi’n Karkhoff.

Verenen[ännern | Bornkood ännern]

De Schützenvereen Ooldklooster is an’n 6. Mai 1883 grünnt worrn un fiert elk Johr an’t eerste Wekenenn in’n August sien Schützenfest.

Infrastruktur[ännern | Bornkood ännern]

Verkehr[ännern | Bornkood ännern]

Ooldklooster liggt an de Bundsstraat 73, de in’n Oosten na Öbergünn un Vosshuusen löppt un in’n Noordwesten na Neeklooster, Heendörp un Hornborg. Na Süden un Süüdwesten loopt de Landsstraat 141 (över Pippens un Doans na Misborg), de Kreisstraat 52 (över Ottens na Nindörp un Guldbeek) un de Landsstraat 127 (na Obbens).

De nächste Bahnhoff is in Buxthu an de Nedderelvbahn un de Bahnlien Buxthu-Bremerhoben.

Scholen[ännern | Bornkood ännern]

De Grundschool Ooldklooster is 1890 grünnt worrn un hett vondaag so bi 425 Schölers un 25 Schoolmeesters.

Lüüd[ännern | Bornkood ännern]

De Theoloog Johannes Fürsen weer von 1633 bet 1638 Pastoor in Ooldklooster

Literatur[ännern | Bornkood ännern]

  • A. H. F. Gast: Führer durch Buxtehude, Altkloster und Neukloster. 1930

Footnoten[ännern | Bornkood ännern]

  1. http://www.denkmalprojekt.org/dkm_deutschland/buxtehude-altkloster_ns.htm
  2. C. H. Jansen: Statistisches Handbuch des Königreichs Hannover. 1824, Sied 16: http://books.google.de/books?id=tG0AAAAAcAAJ&pg=PA16
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. http://www.gemeindeverzeichnis.de/gem1900/gem1900.htm?hannover/stade.htm