Omloop Het Nieuwsblad

Vun Wikipedia
Wesseln na: Navigatschoon, Söök

Omloop Het Nieuwsblad, bit insluutend 2008 Omloop Het Volk nömmt, is en Eendagsradrennen in de belgisch Provinz Oostflannern. Dat is dat eerste Rennen in Belgien in dat jeweilig Johr un wurr meestens an letzten Saterdag in’ Februar oder eerst Saterdag in’ März utdragen. De Omloop Het Nieuwsblad wurrd vun de Zeitung Het Nieuwsblad organiseert un gellt as ideale Vörbereitung för de Flannern-Rundfohrt, wiel faken de glieker Anstieg anfohren wurrd. Charakteristisch för dat Rennen sünd dat tomeest schlecht Weer (faken fallt Regen oder Schnee), tallriek steil Anstieg un Deelstrecken mit Koppsteenplaaster.

Historie[ännern | Bornkood ännern]

Dat Rennen wurr eerstmals ünner de Naam Omloop Het Volk 1945 dörführt, as Konkurrenz to de all dormals vun de Zeitung Het Nieuwsblad organiseert un hüüd noch vun disse Zeitung betallt Flannern-Rundfohrt. To’n Anfang weer dat Rennen oder ünner de Naam „Gent-Gent“ bekannt, wiel eenig Zeitungen de Konkurrenz kien tosätzliche Publizität inrüümen wullen.

Dat Rennen vun 1960 wurr nich dörführt, wiel sück de Organisatoren mit de Union Cycliste Internationale streeden harrn. De Weltverband harr anner belgisch Fröhjohrsrennen bi dat Fastleggen vun den Rennklenner wat beter stellt. Dat Rennen wurr dorüm ut Protest afseggt. 1955, 1974 un 1988 harr dat in de Nacht vör dat Rennen düchtig schneet, aber dat Rennen kunn trotzdem dörführt wurrn. Dat Rennen van 1971 weer wegen Schneefall um dree Week verschaben wurrn, aber jüst an den Renndag hett Dauweer insett. 1986 un 2004 harr dat aber so düchtig schneet, dat dat Rennen ut Sekerheitsgrünnen ganz afseggt wurrn muss.

Siet dat Johr 2000 gifft dat dit Rennen ok för de Jöögd un siet 2006 ok für Fruen. Siet 1950 wurr dat Rennen ok för Amateure bzw. U23-Fohrer utdragen.

Streck[ännern | Bornkood ännern]

De Omloop Het Volk/Het Nieuwsblad fang an un geiht to Enn’ in Gent, aber van 1996 bit insluutend 2007 weer dat Ziel in dat 20 Kilometer noordööstlich liggend Lokeren. Nahdem man de Stadt verlaaten hett, geiht de Streck süüdwärts to de hellingen, de kört und steil Anstieg, de so eenig fläämsch Rennen präägen. De Oude Kwaremont nah 50 Kilometer is en twee Kilometer lang Anstieg up en Koppsteenplaaster-Straat. Nah 85 Kilometer folgt de berüchtigt Müer vun Geraardsbergen, anssluutend Valkenberg, Eikenberg, Leberg un Berendries. De dörsnittlich 10 % steil Molenberg, rund 60 Kilometer vör dat Ziel, is faken rennentscheedend. De restlich Streck is denn woll kumplett flaak, aber de Fohrer moot tallriek kört Afsnitte mit Koppsteenplaaster bewältigen, so as to’n Bispeel de Paddestraat in Zottegem.

Siegerlist vun de Profis[ännern | Bornkood ännern]

Profis[ännern | Bornkood ännern]

Weblenken[ännern | Bornkood ännern]