Norbert Lammert

Vun Wikipedia
Norbert Lammert

Norbert Lammert (* 16. November 1948 in Baukem) is en düütschen Politiker vun de CDU. Vun 2005 af an is he Präsident vun den Düütschen Bundsdag. Vun 1989 bit 1998 is he Parlamentaarschen Staatssekretär ween un vun 2002 bit 2005 Viezpräsident vun’n Bundsdag.

Leven un Beroop[ännern | Bornkood ännern]

Lammert sien Vadder Ferdinand is Bäckermeester ween un hett mit siene Fro Hildegard seven Kinner harrt, dormank Norbert as Öllsten.[1] Na dat Abitur an dat Humanistische Gymnasium Baukem (Gymnasium an’n Oostring) in dat Johr 1967 hett he bit 1969 sien Wehrdeenst maakt. Achterna hett he Politikwetenschop, Soziologie, Ne’ere Geschichte un Sozialökonomie an de Ruhr-Universität Baukem un an de Universität Oxford studeert. Dor is he 1972 mit feerdig ween. Denn weer he Diplom-Sozialwetenschoppler. För sien Studium hett he en Stipendium vun dat bischöppliche Cusanuswark kregen. 1975 hett he promoveert to’n Dr. rer. soc. an de Uni Baukem över „Lokale Organisationsstrukturen innerparteilicher Willensbildung - Fallstudie am Beispiel eines CDU-Kreisverbandes im Ruhrgebiet“. Achterna weer he Dozent in de Erwachsenenbildung. Bovenhen weer he Lehrbeupdragten an de Hoochschool Baukem un an de Feern-Universität Hagen. Vun 2004 af an hett he en Lehrupdrag an de Ruhruniversität Baukem harrt. Vun 2008 af an is he dor Honorarperfesser..[2] Norbert Lammert is siet 1971 verheiraat mit siene Fro Gertrud. De beiden hefft veer Kinner. He is kathoolsch un leevt in Baukem. De Dochter Felicitas is 1975, un de Söhn Nils 1977 in Baukem up’e Welt kamen. Sien tweeten Söhn Jonas is 1981 in Rio de Janeiro boren un de tweete Dochter Teresa 1985 in Nee Delhi.[3]

Belege[ännern | Bornkood ännern]

  1. Aphorismen-Archiv: Norbert Lammert (Stand: 03. Januar 2009)
  2. Ruhr Uni Bochum: RUB-Sozialwissenschaft ehrt Bundestagspräsidenten (Stand: 03. Januar 2009)
  3. vom Abgeordnetenbüro Berlin erstellte persönliche Homepage norbert-lammert.de (Stand: 03. Januar 2009)

Weblenks[ännern | Bornkood ännern]

Category:Norbert Lammert. Mehr Biller, Videos oder Audiodateien to’t Thema gifft dat bi Wikimedia Commons.