Noorddüütsch Rundfunk

Vun Wikipedia
Logo vun’n NDR
Verwaltung vun de NDR in Rodenboom
Waalross Antje - lange Johren dat Kennteken vun’n NDR

De Noorddüütsch Rundfunk (NDR) is en Landsrundfunkanstalt för de Bundslänner Hamborg, Mekelborg-Vörpommern, Neddersassen un Sleswig-Holsteen. De Sitt is in Hamborg.

De NDR is 1954 dör de Spalten vun de Noordwestdüütsch Rundfunk (NWDR) in NDR un Westdüütsch Rundfunk (WDR) entstahn. An’n 1. April 1956 hett he sien Sendebedriev upnommen. De NDR is Liddmaat vun de ARD.

Standöörd vun de NDR[ännern | Bornkood ännern]

NDR-Landsfunkhuus Neddersassen in Hannober

De NDR is in Hamborg up twee Standöörd verdeelt. In Lokstedt is dat Feernsehn ünnerbrocht, an’n Rodenboom de Höörfunk un de Verwalten. In de Landshööftstäder Hannober, Kiel un Swerin as ok in Hamborg sünd de Landsfunkhüüs för Höörfunk und Feernsehn. Jemehr Hööftupgaav besteiht dorin, Regionalprogramme för dat jeweilige Bundsland to veranstalten.

Dorto gifft dat in mehreren Städer Regionalstudios un Büros. Ok in’t Utland is de NDR vertreden. Utlandstudios gifftt dat in London, Stockholm, Peking, Tokio, Singapur und Nee-Delhi; dorneben is he an dat ARD-Hööftstadtstudio in Berlin un an de ARD-Studios in Moskau, Warschau, Brüssel, Washington, New York un Los Angeles bedeeligt.

Programme vun de NDR[ännern | Bornkood ännern]

De NDR produzeert to Tiet alleen oder in Tosamenarbeit mit anner Rundfunk- un Feernsehanstalten nafolgend Feernseh- un Höörfunkprogramme:

Feernsehn[ännern | Bornkood ännern]

Höörfunk[ännern | Bornkood ännern]

  • NDR 90,3 - Landsprogramm för Hamborg
  • NDR 1 Niedersachsen - Landsprogramm für Neddersassen ut dat Landsfunkhuus Hannober mit deelwies Regionalisierung
  • NDR 1 Welle Nord - Landsprogramm för Sleswig-Holsteen ut dat Landsfunkhuus Kiel mit deelwies Regionalisierung
  • NDR 1 Radio MV - Landsprogramm för Mekelnborg-Vörpommern ut dat Landsfunkhuus Swerin mit deelwies Regionalisierung
  • NDR 2 - Popwelle. NDR 2 dröfft as eenzigst NDR-Höörfunkprogramm Werbesendungen utstrahlen.
  • NDR Kultur (ehmals NDR 3, bzw. Radio3 as befristete Kooperatschon mit SFB un ORB) - Kulturprogramm.
  • NDR Info (ehemals NDR 4) - Informatschonsradio mit Narichten
  • NDR Info Spezial - Tosatzradio vun NDR Info mit Oeverdregungen vun Bundestags-Debatten un Seewedderberichten
  • N-Joy (ehemals N-Joy-Radio) - Radio för de Jöögd
  • NDR Plus - Schlagerradio mit Schlagern, plattdüütsche Leeder un Evergreens
  • NDR Blue - Programm mit Wederholungen vun Musiksendungen

Fröher:

Besünner hervörtoheben is, dat bi de NDR in Hamborg ok de Narichtensendung Tagesschau ansiedelt is. Vun de NDR ut wurrd ok jedes Johr de European Song Contest präsenteert.

Literatur[ännern | Bornkood ännern]

  • Wolfram Köhler (Rutgever): Der NDR. Zwischen Programm und Politik. Beiträge zu seiner Geschichte. Schlüter, Hannover 1991, ISBN 3-87706-363-2.

Weblenken[ännern | Bornkood ännern]

Noorddüütsch Rundfunk. Mehr Biller, Videos oder Audiodateien to’t Thema gifft dat bi Wikimedia Commons.