Noordalbingien

Vun Wikipedia
Wesseln na: Navigatschoon, Söök

De Naam Noordalbingien kümmt vun’n Naam Alba för de Elv af. Dat is de Naam vun dat öldste sassische Rebeed, vun dat wi wat afwäten doot, so üm un bi dat Rebeed vun’t hüdige Holsteen in Noorddüütschland.

Noordalbingien was een vun de veer sassischen Lannen. De annern weern Engern (dat Land vun de Angrevariers or Angarier), Oostfalen un Westfalen.

As de Sassen vun Kaiser Karl (nu „de Grote“ nöömt, wat vun sien latienschen Egennaam Carolus Magnus afkeem) heel un deel daalkrägen un to’t Christendom dwungen weern, daar wöör dat hele Sassenland in’t Jahr 804 Deel vun binnen Karl sien Karolingsch Kaiserriek.

Noordalbingien harr veer Delen: Dithmarschen, Hulsteen, Stormarn (to Noorden vun de Elv) un ’t Land Hadeln (to Süden vun de Elv).

Karl de „Grote“ schall wullt hebben, dat ’n Bisdoom Noordalbingien ünner den Preester Heridag gründt wardt. Man denn bleev Heridag dood, un dat Rebeed wöör ünner’t Regeer vun Kaiser Ludwig den Framen an de Bisdömer Bremen un Veern gäven.