Neustrien
Neustrien oder Neustria weer in de Johre vun 511 bit 737 en sülvstännig Königriek in den noordwestlichen Deel vun dat Frankenriek. Dat leeg twuschen de Loire un den Schelde-Stroom. De ganze Tied over hett dat Huus vun de Merowingers düsse Gemarken regeert. In den Loop vun de Tied hett Neustrien faken Krieg harrt mit sien Naber in'n Oosten, dat weer Austrasien. Man faken hefft de beiden Länner ok densülvigen König harrt. Neustrien weer Nafolger vun dat Riek vun Soissons un Vorlöper vun dat Westfrankenriek. Siene Hööftlinge hefft den Titel vun en König dragen.
As dat Frankenriek unner de Karolingers in dat 8. Johrhunnert wedder vereenigt wurrn weer, sünd de Naams Austrasien un Neustrien ut de Geschicht verswunnen. As denn unner Karl den Groten siene Nafolgers dat Riek wedder ut'neenfullen weer, sünd dor in dat 9. Johrhunnert de neen Deelrieke Oostfrankenriek un Westfrankenriek vun wurrn.
Neustrien siene Könige[ännern | Bornkood ännern]
- 584–629 Chlothar II. de Junge
- 629–639 Dagobert I. de Gode (tohopen mit Austrasien)
- 639–657 Chlodwig II.
- 657–673 Chlothar III.
- 673–673 Theuderik III.
- 673–675 Childerik II. (tohopen mit Austrasien)
- 675–691 Theuderik III. (to'n 2. Mol)
- 691–695 Chlodwig III.
- 695–711 Childebert III.
- 711–715 Dagobert III.
- 715–721 Chilperik II. (Broder Daniel)
- 721–737 Theuderik IV.
- 737–741 Karl Martell (as Huusmeier un tohopen mit Austrasien)
- 741–743 Pippin III. (as Huusmeier)
- 743–751 Childerik III.