Nereid (Maand)

Vun Wikipedia
Opnaam vun Nereid

Nereid (ok as Neptun II betekent) is de drütt gröttste Maand vun den Planet Neptun. Opdeckt worrn is da Maand an’n 1. Mai 1949 vun Gerard Kuiper. De Naam is afleidt vun de Nereiden, Seenymphen ut de grekschen Mythologie.

Ümloop[ännern | Bornkood ännern]

Nereid bewegt op en bannig elliptische Ümloopbahn in en Afstand twüschen 1.353.600 un 9.623.700 km üm Neptun rüm mit en Exzentrizität vun 0,76. Dat is de gröttste Exzentrizität vun all Maanden in’t Sünnsystem. De unregelmatige Bahn warrt as Henwies sehn, dat Nereid mööglicherwies en Objekt ut’n Kuipergördel wesen is, de denn vun’n Neptun infungen weer. En annere Mööglichkeit weer, dat de Bahn op dat gravitative Inwirken vun den gröttsten Neptunmaand Triton torüchtoföhren is.

För een Ümloop bruukt de Maand ruchweg 360 Daag un 3 Stünnen. De Bahn is üm 7,23° gegen den Äquater vun’n Neptun neegt.

Physikaalsche Egenschoppen[ännern | Bornkood ännern]

Nereid hett en Dörmeter vun ruchweg 360 km. För en Rotataschooon üm de egene Ass bruukt de Maand ruchweg 11 Stunden un 31 Minuten. Dat is een vun de wenigen Maanden, de keen bunnen Rotatschoon opwiest.

De Böverflach is mit en Albedo vun 0,14 noch teemlich düster, ofschoonst de Weert för en Maand al nich so lütt is. De beseggt, dat üm un bi 14 % vun dat instrahlte Sünnlicht wedder reflekteert warrt.

Weblenken[ännern | Bornkood ännern]

Nereid. Mehr Biller, Videos oder Audiodateien to’t Thema gifft dat bi Wikimedia Commons.