Neebachenbrook

Vun Wikipedia
Wapen/Flagg Koort

Wapen vun Neebachenbrook

Neebachenbrook
Laag vun Neebachenbrook in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Stinst
Flach: 2,52 km²
Inwahners: 77 (2009-12-3131. Dezember 2009)
Inwahnerdicht: 30,6 Inwahners pro km²
Postleettall: 21772
Vörwahl: 04773
Geograafsche Laag:
Koordinaten:53° 39′ N, 8° 57′ O
53° 39′ N, 8° 57′ O
Stinst (Samtgemeen Loomst)NeebachenbrookMaurismaur
Laag von Neebachenbrook in de Gemeen Stinst (Koort lett sik anklicken)

Karte

Neebachenbrook (hoochdüütsch Neubachenbruch) is en Dörp in de Gemeen Stinst in’n Landkreis Cuxhoben, Neddersassen.

Geografie[ännern | Bornkood ännern]

Neebachenbrook liggt in’t Moor un in’n Westen von dat Dörp is de Beerster See.

De Naveröörd sünd Stinst in’n Noordoosten, Mittelsnohn in’n Oosten, Maurismaur in’n Süüdoosten, Ankloh in’n Süüdwesten, dat Süderenn von Steenau in’n Westen un Ooldbachenbrook in’n Noordwesten.

Historie[ännern | Bornkood ännern]

Neebachenbrook is 1755 as Moorkolonie mit 20 Steden grünnt worrn.[1]

In de Franzosentied von 1810 bet 1813 weer dat Deel von’n Kanton Oterndörp. Na de Franzosentied hett dat denn bet 1852 jüst as vörher to’n tweten Stand von dat Land Hadeln tohöört. 1852 is de Oort Deel von dat Amt Oterndörp worrn 1885 von’n Kreis Hadeln. Von 1932 bet 1977 leeg dat in’n Landkreis Land Hadeln un keem 1977 denn to’n Landkreis Cuxhoben.

Neebachenbrook is bi de Gemeenreform in Neddersassen to’n 1. Juli 1972 mit de Gemeen Stinst tohoopleggt worrn.

Inwahnertall[ännern | Bornkood ännern]

Johr Inwahners
1848-00-001848[2] 85 Lüüd, 19 Hüüs
1910-12-011. Dezember 1910[3] 104
1925-00-001925[4] 138
1933-00-001933[4] 111
1939-00-001939[4] 86
2009-12-3131. Dezember 2009[5] 77

Religion[ännern | Bornkood ännern]

Neebachenbrook is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von de Gemeen wiest op blauen Grund ünnern en sülvern Maand, de tonimmt, en dubbelten sülvern Balken un dor op en swarten Törfkahn.

De dubbelte Balken steiht för de Gravens in de Gemeen. De Törfkahn steiht för dat Törfgraven un Törfhannel, mit den de Moorkolonie fröher en groten Deel von ehr Geld maakt hett.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Bachenbrook un Ümgegend is 1908 grünnt worrn.

Weertschop un Infrastruktur[ännern | Bornkood ännern]

As Füürwehr is de freewillige Füürwehr Maurismaur-Neebachenbrook för den Oort mit tostännig.

Verkehr[ännern | Bornkood ännern]

De Dörpstraat von Neebachenbrook löppt in’n Noordwesten dör Ooldbachenbrook un bi Steenau an de Landsstraat 144 ran. In’n Süüdwesten löppt se na Maurismaur un an de L 116 ran. De faste Straat na Maurismaur is eerst 1956 boot worrn.

Literatur[ännern | Bornkood ännern]

  • Neubachenbruch: von der Moorkolonie zum modernen Agrardorf. 1988

Footnoten[ännern | Bornkood ännern]

  1. http://books.google.de/books?id=BGVTAAAAcAAJ&pg=PA220
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 157: http://books.google.de/books?id=eOI-AAAAcAAJ&pg=PA157
  3. http://www.gemeindeverzeichnis.de/gem1900/gem1900.htm?hannover/hadeln.htm
  4. a b c http://www.verwaltungsgeschichte.de/hadeln.html
  5. http://boerde-lamstedt.der-norden.de/rathaus/zahlen.html

Weblenken[ännern | Bornkood ännern]

Neebachenbrook. Mehr Biller, Videos oder Audiodateien to’t Thema gifft dat bi Wikimedia Commons.