Nat Adderley

Vun Wikipedia
Nat Adderley

Nathaniel „Nat“ Adderley (* 25. November 1931 in Tampa, Florida; † 2. Januar 2000 in Lakeland, Florida) weer en US-amerikaansch Jazz-Kornettist, Trompeter, Komponist un Bandleader. Bekannt wurr he dör sien Mitwarken in de Band vun sien Bröer Julian „Cannonball“ Adderley.

Leven un Wark[ännern | Bornkood ännern]

Nat Adderley weer in fröh Jöögd Jazzsinger, hett mit 15 Jahren Trompete lernt un wessel denn to dat Kornett. Ähnlich as sien Bröer Cannonball Adderley speel he in sien Militärtiet in Armeebands un kreeg denn 1954/55 en Engagement in de Band vun Lionel Hampton, dornah bi Stan Kenton. In dat Jahr 1955 keem en eerst Album ünner eegen Naam herut. Nahdem he kört in dat Quintett vun sien Bröer (1956), da tut wertschaplich Grünnen scheiter, hett Nat Adderley nah den Wessel vun Cannonball to Miles Davis mit J. J. Johnson un 1959 bi Woody Herman un George Shearing arbeit, um denn in dat weer grünnd Cannonball Adderley Quintett intostiegen. In dat Quintett bleev he bitt o de Dood vun sien Bröer in dat Johr 1975.

Neben disse Tätigkeit hett Nat Adderley immer weer Alben mit eegen Bands upnommen, as mit Studio-Big Bands oder Musiker as Joe Henderson, King Curtis, Jerome Richardson, Junior Mance un Wes Montgomery (Work Song, 1960). To sien best Alben hörrt dat 1963 mit Mance un Henderson as ok Jim Hall un Kenny Burrell inspeelt Album Little Big Horn!.

In dat Johr 1961 weer he an dat Album vun Carmen McRae Sings Lover Man and Other Billie Holiday Classics bedeeligt. Nah en körten Lehrtätigkeit un Tourneen as Gastsolist vun Peter Herbolzheimer sien Big Band grünn he 1976, en Johr nah Cannonballs Dood en nee Formation mit den Saxophonisten John Stubblefield, den Pianisten Onaje Allan Gumbs, den Bassisten Fernando Gumbs un den Slagtüüchspeler Ira Buddy Williams. Sien Alben ut disse Tiet fullen bi de Kritik aber ehder dör; grooten Spood harr he aber mit sien Konzert 1977 in Yokohama mit Jay Jay Johnson.

1980 is he mit de Adderley Brotherhood up europäisch Festivals uptreden, de an de groot Tiet vun dat Quintett mit sien Bruder erinnern Sull. 1981 is he bi dat Kool Festival uptreden, arbeit 1982 in New York un 1984 weer mit Jay Jay Johnson. In de 1990er Johren speel u. a Sonny Fortune in sien Band ("Work Song - live at Sweet Basil", 1990). Sien letzten grooten Upträe vör sien Dood harr he 1994 up dat Floating Festival mit sien Band ut Vincent Herring, Walter Booker un Jimmy Cobb.

Sien Ton up dat Kornett erinner an Clark Terry. In Erinnerung blifft Nat Adderley för sien Kompositionen WorkSong, Jive Samba und One for Daddy-O.

Ehrungen[ännern | Bornkood ännern]

Nat Adderley is in de American Jazz Hall of Fame upnommen wurrn.

Diskographie (Utwahl)[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]

Anmarken[ännern | Bornkood ännern]

  1. De Utwahl orienteert sich an de Penguin Guide to Jazz, Uplagen 1992 und 2002.