Mount Wrangell

Vun Wikipedia
Wesseln na: Navigatschoon, Söök
Mount Wrangell.

Mount Wrangel is een Vulkan in Alaska, wat een vun de Bundsstaten vun de USA is. Dor liggt he ganz in’n Südoosten, nich wiet weg vun dat Yukon-Territorium in Kanada. He is 4.317 m hooch un höört to de Wrangell-Mountains mit to. Düsse Bargen sünd een Deel vun de Alaska Range un de maakt, ganz an´n Rand, een Deel vun de Rocky Mountains ut.

Wrangell is ok en Deel vun den Wrangell Volcanic Belt („Wrangell-Vulkaan-Gördel“). Dor is he de eenzigst Vulkan, wo sik wat röögt hett in de Tiet, siet dor Minschen sünd. Af un an hett dat een lüttje Explosion geven un Rook un Asch sünd utspeet wurrn. Siet de 50er Johren deit sik dor een beten mehr in düssen Vulkan. Mag angohn, datt he tokümstig noch vun sik hören lett.