Moreno Argentin

Vun Wikipedia
Wesseln na: Navigatschoon, Söök
Moreno Argentin

Moreno Argentin (* 17. Dezember 1960 in San Dona di Piave) is en ehmalger italieensch Radrennfohrer.

Karriere[ännern | Bornkood ännern]

Argentin weer Radprofi van 1980 bit 1994 un gull mit 86 Siegen a en vun de besten Radrennfohrer vun de 1980er Johren. Sien gröttsten Spood harr he bi Eendagsklassiker. 1986 wurr he Stratatenweltmeester (vör Charly Mottet un Giuseppe Saronni), en Johr later Viezweltmeester (achter Stephen Roche). Disse Siege fallen in sien spoodriekste Tiet: Tüschen 1985 un 1987 wunn he dreemal nah’nanner den Klassiker Lüttich-Bastogne-Lüttich.

Bi groot Rundfohrten weer he as Sprintspezialist weniger spoodriek, he wunn aber trotzdem 12 Deelstrecken bi den Giro d’Italia un 2 Deelstrecken bi de Tour de France. Sien grott Ziel hett he aber nich schafft: Den wichtigsten italieenschen Fröhjohrsklassiker Mailand–Sanremo kunn he nie nich winnen. 1982 keem he up den darten Platz un 1992 keem he blots up Platz twee, nahdem hüm de seker glöövt un vörankünnigt in’ Zielsprint vun de up de Affohrt vun’ Poggio di Sanremo ranfohren Iren Sean Kelly afnommen wurr.

Weblenken[ännern | Bornkood ännern]