Monte Grande (Kap Verde)

Vun Wikipedia
Wesseln na: Navigatschoon, Söök
De Monte Grande op Sal

De Monte Grande (port.: „Groot Barg“) is de hööchste Barg vun dat Eiland Sal in de Republiek Kap Verde.

De Monte Grande liggt in’n Noordwesten vun’t Kapverden-Eiland, in den nöördlichen Striepen woneem nümms wahnen deit. Dat hannelt sik dorbi üm en ollen Vulkan, de mit 406 m[1] de gröttste vun en Koppel vun Tügenbargen is, de vundaag noch vun de Historie vun dat Eiland künnt. Wieter na Süüden to liggt de Morro Sal mit 309 m un na’n Westen hen, dicht bi Buracona an de Westküst, de Monte Leste mit 263 m. De beiden sünd de tweet- un drütthööchsten Bargen vun Sal. Wietere, sietere Tügenbargen sünd de Monte Curral, üm den de Stadt Espargos rümboot worrn is un de lütte Morrinho de Açucar.[1]

Ümgeven is de Monte Grande vun schrage Wööstlandschap, woneem blangen Steen un vulkaansch Aschen nix wieter to finnen is. Wassen deit dor ümto nix, vun wegen dat de Landschap so dröög is. Blangen de nöömten Tügenbargen is dat Land platt un even. De Monte Grande is dorüm meist vun dat hele Eiland to sehn.

Borns[ännern | Bornkood ännern]

  1. 1,0 1,1 Kapverdische Inseln, Dumont Reisetaschenbuch, 3. Oplaag, 2007, ISBN 978-3-7701-5968-0


Koordinaten:16° 49′ N, 22° 54′ W