Milton Hinton

Vun Wikipedia
Wesseln na: Navigatschoon, Söök
Milton Hinton 1989

Milton John „Milt“ Hinton, Spitzname The Judge, (* 23. Juni 1910 in Vicksburg, Mississippi; † 19. Dezember 2000 in Queens, New York) weer en US-amerikaansch Jazz-Bassist, -Singer, -Bandleader, -Komponist, -Fotograf, -Forscher, un -Autor.

Milton weer de Söhn vun Musiklehrerin und Organistin, wuss in Chicago up un lern tonächst Violine, Horn un Bass-Saxophon. An de High School fung he an Bass to spelen un studeer Musik an dat Crane College un an de Northwestern University. He speel in de Bands vun Boyd Atkins un Tiny Parham. Af 1931 weer he bi de Violinist Eddie South, dornah bi Erskine Tate, Freddie Keppard, Jabbo Smith un 1936 in dat Trio vun Zutty Singleton. 1936 bit 1951 speel he in de Band vun Cab Calloway. Nah deren Uplöösen speel he in New York u.a. mit Joe Bushkin, weer kört bi Count Basie un 1953/4 mit Louis Armstrong up Japan-Tour. He speel ok mit Dizzy Gillespie un 1955 mit Benny Goodman. Af Midden vun de 1950er Johren weer he hööftsächlich Studiomusiker bi CBS. Gelegentlich is he aber noch uptreden, so bi dat Newport Jazz Festival 1957 mit Teddy Wilson, mit Ben Webster un as Begleiter vun Singers as Sammy Davis, Judy Garland, Diahann Carroll, Harry Belafonte (1965/6). He weer Schallplattenproduzent un schreev Filmmusiken. Af de 1970er Johren is he weer regelmatig uptreden, u.a. as Gast bi Charles Mingus and Friends in Concert (1972) un tonehmend af de 1980er in en Rull as „Grand Old Man“ vun den Jazz. 1988 wark he bi Branford Marsalis´ Album Trio Jeepy mit. Sien 80. Geburtsdag wurr 1990 mit en Konzert in de New Yorker Town Hall fiert un sien 90. Geburtsdag 2000 dör en Konzert up dat JVC Festival in New York.

1975 (vun de Lesers) un 2001 (Kritiker Poll) wurr he in de Down Beat Hall of Fame wählt. He kreeg völ Pries, u.a. 1991 den Benny Carter Award. He weer achtfak Ehrendokter.

Diskographisch Henwiesen[ännern | Bornkood ännern]

Literatur[ännern | Bornkood ännern]

  • Milt Hinton, David Berger Bass Line: The Stories ond Photos of Milt Hinton, Philadelphia, Temple University Press 1988
  • Milt Hinton Bass Line, Temple University Press 1988
  • Milt Hinton Over Time, 1991
  • Kunzler Jazzlexikon, 2002

Weblenken[ännern | Bornkood ännern]