Miff Mole

Vun Wikipedia
Wesseln na: Navigatschoon, Söök

Irving Milfred Mole, bekannt as Miff Mole (* 11. März 1898 in Roosevelt, New York; † 20. April 1961 in New York City) weer en witt Basuunist un Band-Leader vun den fröhen Jazz.

Miff Mole weer neben Jack Teagarden en vun de inflootrieksten Basuunisten vun den fröhen Jazz. He fung an mit Violien un Piano, up de he Begleitmusik vun Stummfilmen speelen dee. Sien eerst Engagement weer in dat Orchester vun Gus Sharp; denn speel he in de Band vun den Komiker un Band-Leader Jimmy Durante un mit de Original Memphis Five bit etwa 1924. In New York vun de 1920er Johren nehm he denn völ mit den Trompeter Red Nichols (u.a. ünner de Bandbeteken The Charleston Chasers) un mit Miff Mole and his Little Molers up („Mole“ bedüüd in dat Engelsche „Mullworp“). Dat weer aber blots dat Pseudonym vun Red Nichols Five Pennies, wenn se för de Plattenfirma Okeh upnehmen deen. Deelwies hebbt se de damals populäre Singerin Sophie Tucker begleit. De 1920er Johren Stil vun Mole un Nichols wurr damals vun völ Kritikers as köhl, urbane Version tegenöver den Hot Jazz rünnerstuuft. In disse Tiet hett he ok Upnahmen mit Gene Krupa makt.

Af 1927 weer he Studiomusiker, u.a bi Roger Wolfe Kahn un Sam Lanin, un speel meest kien Jazz mehr, sonnern hörr to de Danzbands vun Cass Hagan, Don Voorhoes un Ross Gorman. Van 1938 bit 1943 weer he in de Band vun Paul Whiteman un 1943 in de vun Benny Goodman. 1940 harr he eenig Uptreden in New York mit Muggsy Spanier, Max Kaminsky, Brad Gowans un annern, de ok to de berühmt Upnahm „Jamsession at Commodore“ führen dee. Midden vun de 1940er Johren speel he ok mit Eddie Condon un nehm mit sien eegen Band Miff Mole and his Nicksieland Band up. In de 1950er Johren kreeg he Gesundheitsprobleme un is 1961 völlig verarmt un vergeten storven.

Weblenken[ännern | Bornkood ännern]