Miegeems

Vun Wikipedia
(wiederwiest vun Miegeem)
Disse Artikel is man blots en Stubben. Du kannst Wikipedia helpen un em verbetern.
Miegeems, Iemecken
Sprockimm
Mieghammekes in Italien
Systematik
Ünnerklass: Flooginsekten (Pterygota)
Böverornen: Neoptera
Ornen: Huudflunken (Hymenoptera)
Ünnerornen: Kneepwöpsen (Apocrita)
Infraornen: Steekimmen (Aculeata)
Böverfamilie: Vespoidea
Wetenschoplich Naam
Formicidae
Latreille 1802

Miegeems (ok Mieghammekes, Miegreems, Miegelitzken, Miechlämken, Iemecken, Pissmieren, Pissremmelken, Bedmiegers oder Sprockimmen nöömt) is en Familie vun de Insekten. Se höört to de Ornen vun de Huudflunken mit to. Iemecken sünd Deerten, de up de Erde krabbelt un tosamen mit annere Miegeems en grote Kolonie billt.

Welke leevt ünnereerdsch, annere boot Hümpels ut lütte Twiegen un annern Musselkraam vun’n Wooldbodden. Kinner kriegen kann in de Kolonie blots de Königin, de annern sünd all Mann Arbeiders, de sik üm de Pleeg vun de Königin kümmert. De Wetenschop hett sik lang en Kopp maakt, wodennig dat wesen kann, dat de Miegeemen dat mitmaakt, na de Evolutschoonslehr mööt se woll bannig dumm wesen, dat se sik üm frömme Kinner mehr kümmert, as sülvs welk to kriegen. De Lösung weer denn, dat de Hekens blots een Sett Chromosomen hebbt. Dorüm sünd de Miegeemen mit ehr Süstern neger verwandt as se dat mit de egen Kinners weren. De Wetenschop seggt dorto denn Hymenopterenstaat. De Miegeemen tellt to de Flooginsekten, doch Flögels, mit de se flegen köönt, hebbt blots de Königin un de Hekens. De maakt as flegen Miegeemen in’t Vörjohr ehren Hochtietsfloog.

To de Miegeemen tellt 16 Ünnerfamilien mit 297 Geslechter un knapp 12.000 enkelte Oorden. Ehren Naam hebbt se vun wegen dat se bi Gefohr Süür utstött, de vun de Minschen as Öddel ansehn worrn is.

Kiek ok bi[ännern | Bornkood ännern]