Messias

Vun Wikipedia
Wesseln na: Navigatschoon, Söök

Dat Woort Messias (hebrääsch משיח Maschiach oder Moschiach, aramääsch Meschiah, ooldgr. Χριστός - Christos, latiensch Christus) stammt ut dat Ole Testament un heet up Platt: „De (Minsch), de salvt wurrn is“.

Översicht[ännern | Bornkood ännern]

Dat Ole Testament[ännern | Bornkood ännern]

In dat Ole Testament warrt düsse Titel för en Minschen bruukt, de vun JHWH utwählt wurrn is un en besunnere Upgave för sien Volk Israel kregen hett. Tomeist is dat de König, later ok de Hogen Preester, man denn woll ok en wohren Propheten, de vun Gott sien Geist andreven warrt.

Vun dor af an, as dat in Israel keen Königen mehr geev (586 v. Chr.) hett dat en paar Propheten geven, de hefft in de Bibel kunnig maakt, dat in de Leste Tied een kamen schall, de sien Volk redden schall un de den Freden bringt.

De Septuaginta[ännern | Bornkood ännern]

In düsse Tieden hett dat al grote jöödsche Gemeenden in de Diaspora, sunnerlich in Alexandria in Ägypten geven. In düsse Gemeenden is dat Ole Testament in de Ooltgreeksche Spraak översett wurrn un hett dor den Naam „Septuaginta“ bi kregen. De Joden in de Diaspora snacken ja nu keen Hebrääsch mehr. In düsse Septuaginta is nu „Maschiach“ jummers mit „Christos“ översett wurrn.

Dat Christendom[ännern | Bornkood ännern]

De Eersten Christen hefft nu Jesus vun Nazareth mit düssen greekschen Titel nömmt, up Latiensch „Christus“. Egentlich weer dat ehr Bekenntnis, wenn se seggen döen: „Jesus vun Nazareth is de Christus, vun den dat Ole Testament snackt hett“. Man mit de Tied is düt Bekenntnis denn to’n Naam „Jesus Christus“ wurrn. Wenn de jöödschen Anhängers vun Jesus vun Nazareth em so nömmt hefft, denn drücken se dor mit ut, dat Gott in düssen Minschen sien Willen apenbaart harr, de Welt endgüllig wedder heel to maken un sien Riek up to richten.

Wie dat wietergahn is[ännern | Bornkood ännern]

Vunwegen, dat sik Jodendom un Christendom in’e Plünnen kregen hefft över de Fraag, of Jesus vun Nazareth de Messias is oder nich, sünd de beiden Religionen ut’neen gahn bi de Antwoort up de Fraag, wat denn de Messias nu eentlich is. Faken hett de Gloven, dat en enkelten Minschen den endgülligen Freden up de Welt bringen schall, ok sunnerliche Sekten in beide Religionen upkamen laten, de nu menen, de Tied vun den Messias, de weer nu dor. Ok in de Politik hett düsse Gloven in sunnerliche Ideologien en Rull speelt (kiek bi Messianismus).

Kiek ok bi[ännern | Bornkood ännern]