Meh-Au

Vun Wikipedia
Meh-Au
Laag Neddersassen
Stroomsystem Elv
Läng 19,8 km
Afströömrebeed 97,91 km²
Born bi Heesdörp (op 28 m över NN)
Münn bi Zeven in de Oost (op 23 m över NN)
Waterkenntall DE: 5982
schippbor -
Seen -
Havens -
Meh-Au in’n Noordoosten von Zeven
Meh-Au in’n Stadtpark Zeven

De Meh-Au is en Beek in’n Landkreis Rodenborg in Neddersassen un is 19,8 Kilometer lang.[1] Ehren Born hett se twüschen Heesdörp un Abbendörp. Se münnt bi Zeven in de Oost.

Verloop[ännern | Bornkood ännern]

De Born liggt twüschen Heesdörp un Abbendörp. De Beek flütt toeerst na Noorden un dreiht denn bilütten na Noordwesten. Bi Heesdörp münnt von rechts de Abbendörper Kanaal in de Meh-Au. Bi Jeem münnt von rechts de Buschhostbeek un kort Stück wieder geiht denn de Autobahn 1 över em weg. Stück achter Jeem münnt von rechts de Osenhoster Beek in den Beek. De Meh-Au flütt twüschen Osenhost un Wehldörp langs. Nadem de Beek an Brüttendörp langsflaten is, geiht bi Olendörp de Bundsstraat 71 mit en Brügg över den Beek röver. De Meh-Au flütt an’n Stadtrand von Zeven langs bet se sik na Noordoosten wennt un dör Zeven dör flütt. Dor gaht de Bundsstraat 71 wedder un de Landsstraat 124 över den Beek röver. En Reeg wichtige Bowarken, so as dat Raadhuus von Zeven, dat Amtsgericht Zeven, dat fröhere Klooster Zeven un dat Krankenhuus Zeven doot dor dicht bi dat Över liggen. Hier liggt ok de Münn von’n Rhalandsbeek. Twee Kilometer wieder twüschen Brauel un Offens münnt de Meh-Au denn von links in de Oost.

Footnoten[ännern | Bornkood ännern]

  1. Michael Bergemann: Gesamtliste der Fließgewässer im Elbeeinzugsgebiet. 2012

Weblenken[ännern | Bornkood ännern]

Meh-Au. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 19′ N, 9° 17′ O