Mechthild Ross-Luttmann

Vun Wikipedia
Mechthild Ross-Luttmann 2009

Mechthild Ross-Luttmann (borene Ross; * 13. April 1958 in Buorgstemmert) is en düütsche Politikerin von de CDU.

Ross-Luttmann is 1958 in Borgstemmert boren. Na dat Abitur in Biäkem hett se Juristeree an de Universität Mönster studeert un dat Eerste Staatsexamen maakt. Se weer as Referendar in’n Bezirk von dat Oberlandsgericht Hamm un hett in’n Harvst 1986 dat Twete Staatsexamen maakt.

Von’n 1. April 1987 bet 3. März 2003 weer se Dezernentin in’n Landkreis Rodenborg. Düsse Tied weer ünnerbraken dör en Erziehungsurlaub von 1992 bet 1998.

Bi de Landdagswahl an’n 2. Februar 2003 is se för den Wahlkreis Rodenborg in’n Landdag von Neddersassen wählt worrn. Se hett bi de Wahl 2003 52,5 % von de Stimmen kregen, 2008 46,0 % un 2013 44,0 %. An’n 18. März 2005 hett se dat Amt as sozialpolietsche Sprekerin von de CDU-Frakschoon in’n Landdag övernahmen.

An’n 7. Dezember 2005 is se Nafolgerin von Ursula von der Leyen as Sozialministerin von Neddersassen worrn (von der Leyen is as Ministerin in dat Kabinett von Angela Merkel na Berlin wesselt).

An’n 27. April 2010 is dat Kabinett ümbillt worrn un Ross-Luttmann hett ehr Amt an Aygül Özkan afgeven un is ut de Regerung rut. Se is opstunns Vörsitterin von’n Rechtsutschuss in’n Landdag.

Ross-Luttmann hett 1989 den Juristen un Landraad von’n Landkreis Rodenborg, Hermann Luttmann, freet. De beiden hebbt twee Döchter un een Söhn un leevt in Rodenborg.

Weblenken[ännern | Bornkood ännern]

Mechthild Ross-Luttmann. Mehr Biller, Videos oder Audiodateien to’t Thema gifft dat bi Wikimedia Commons.