Maurice Hugh Frederick Wilkins

Vun Wikipedia
Wesseln na: Navigatschoon, Söök
Maurice Wilkins

Maurice Hugh Frederick Wilkins (* 15. Dezember 1916 in Pongaroa, Nord-Wairarapa, Niegseeland; † 5. Oktober 2004 in London) weer en niegseeländsch Physiker, de vör allen in den Beriek vun de Röntgenstrahlung forscht hett. He kreeg 1962 den Nobelpries för Physiologie oder Medizin.

In dat Öller vun söss Johren wurr he nah England brocht. He studeer Physik an dat St John’s College vun de Cambridge University un kreeg 1940 sien Doktortitel för Physik an de University of Birmingham. In’ Tweeten Weltkrieg hett he an dat Manhattan Project an de University of California, Berkeley, arbeit, bevör he weer an dat King’s College London torüchgung.

Neben anner Dinge hett he sück an dat King’s College mit de Röntgenbuugensspektroskopie befaat. Sien Arbeit un de vun sien Kollegin Rosalind Franklin führ James Watson un Francis Crick 1953 zur Ableitung der DNA-Struktur. He hett nahwiest, dat de vun de beid vörslahn Doppelhelix-Struktur tatsächlich richtig weer. 1960 kreeg he den Albert Lasker Award for Basic Medical Research un 1962 tosommen mit Watson und Crick dorför den Nobelpries für Physiologie oder Medizin.

De Forschensgeschichte vun Watson, Wilkins un Crick gellt hüüd as negativ Musterbispeel för Good Wetenschaplich Praxis, wiel de Bekanntmaken in Nature 1953 ahn de autoriseert Övernahm vun nicht bekannt maakt Forschensergevnisse vun anner Forscher, vör allen vun Rosalind Franklin, nie nich tostannen kommen weer. Se keemen över Wilkins, de tosammen mit Franklin an dat King's College arbeiten dee, unrechtmäßig an de Daten. [1][2] Watson bericht dorto, dat Wilkins un sien Assistent Wilson stillkens Kopien vun Franklin hör Arbeiten maakt harrn.[3]

Wilkins hett bit to sien Dood an dat King's College Ünnerricht geven.

Privates[ännern | Bornkood ännern]

Wilkins weer siet 1959 mit Patricia Ann Chidgey verheiraadt, mit de he een Dochter un een Söhn harr. In sien Freetiet hett he Skulpturen sammelt un sück mit Gordenarbeit befaat.

Weblenken[ännern | Bornkood ännern]

Commons-logo.svg Maurice Hugh Frederick Wilkins. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. eprint: Plagiate und unethische Autorenschaften Gerhard Fröhlich, Linz (Öösterriek) 2006
  2. Denis Grady: A Revolution at 50; 50 Years Later, Rosalind Franklin's X-Ray Fuels Debate New York Times, 25. Februar 2003 (engelsch)
  3. James D. Watson: Die Doppel-Helix. Rowohlt, Hamborg 1969. (S. 208)