Mathilde Bonnefoy

Vun Wikipedia
Wesseln na: Navigatschoon, Söök

Mathilde Bonnefoy (* 11. März 1972 in Paris) is en franzöösch-amerikaansche Cuttersche un Speelbaas’sche.

Leven un Wark[ännern | Bornkood ännern]

Bonnefoy is de Dochter vun den franzööschen Lyriker Yves Bonnefoy. Se hett blangen de franzööschen ok de US-aerikaansche Staatsbörgerschop.

Se hett vun 1990 bit 1991 Philosophie an de Pariser Sorbonne studeert, dat Studium denn aver afbroken, üm na Berlin to gahn. 1995 hett se en Arbeit as Helpsfro bi’n Filmsnitt annahmen un harr 1997 de Wacht över den Avid-Snitt vun den Film Das Leben ist eine Baustelle. Dorbi hett se den düütschen Speelbaas Tom Tykwer drapen, för den sien Filmwarken se later veel as Cuttersche mitarbeit hett. För ehr Arbeit an den internatschonal bekannten Film Lola rennt is se denn ok uttekent worrn. För den Speelbaas Wim Wenders hett se ern Kortfilm un en Dokumentarfilm sneden. Dorna hett Bonnefoy ehr Arbeit ok mehr op de Regie utricht un ok Dreihböker verfaat. För Arte un för de düütsche Grupp Rammstein hett se verschedene Dokumentarfilmen dreiht.

Filmen (Utwahl)[ännern | Bornkood ännern]

Johr Titel Funkschoon
1998 Lola rennt
(int. Titel: Run, Lola, Run)
Snitt
2000 Der Krieger und die Kaiserin Snitt
2002 Heaven Snitt
2003 The Soul of a Man Snitt
2004 True, Kortfilm Snitt
2006 Anakonda im Netz, Feernsehn Speelbaas
Snitt
2007 The Favor Snitt
2008 Solstice Snitt
2008 Insensitive Speelbaas
Dreihbook
Snitt
2009 The International Snitt
2010 Orly Snitt
2010 3 Snitt

Utteken[ännern | Bornkood ännern]

Mathilde Bonnefoy is bit hüüt (Oktober 2011) söven mol för wichtige Filmpriesen vörslahn wesen un weer mit dree dorvun uttekent:

  • 1999: mit den Düütschen Filmpries in Gold in de Kategorie Rutragen Leistung bi’n Filmsnitt för Lola rennt
  • 2000: mit den OFCS Award in de Kategorie Best Filmsnitt för Lola rennt
  • 2011: mit den Düütschen Filmpries in Gold in de Kategorie Best Filmsnitt för 3

Weblenken[ännern | Bornkood ännern]