Mateer (Medizin)
Vun Wikipedia
Mateer, Mateerje, Edder oder Küter (ok Adel, latiensch Pus) is en Körpersiep, de vun de Leukozyten bi de Gegenwehr gegen indrungene Bakterien billt warrt. Mateer besteiht to’n gröttsten Deel ut de witten Bloodkörper, insmultene Körperzellen un ut Serum. De Mateer kummt vör allen in Wunnen un Pusteln vör. Vun de Farv is de Mateer normalerwies witt bet geel.
