Massaker bi Wounded Knee

Vun Wikipedia
Wesseln na: Navigatschoon, Söök
Massengraff vun de Indianers na dat Massaker. De Indianerlieken sünd stief fraren.

Dat Massaker bi Wounded Knee bescheeg an 29. Dezember 1890 bi den Oort Wounded Knee tüschen een Grupp van de Lakota (Plains Sioux) Indianer, de uut ehr Reservatschoon flücht weern un en de sövent bereden Divischoon van de US-Armee. Dood bleeven tominnst 150 Indianer un 25 US-Suldaten und mennig mehr würrn wunnt.

De Vörgeschicht weer, dat Deelen van de Indianer in de Reservatschonen ünner de Infloot van de sonöömt Ghost Dance (Danz van de Geester) raaken. Se dachten, dat dat en Weg geven schall, wedder frie to kamen van de Herrschopp van de Blankgesichten. Dorüm möken se mang anner Saken een besünner (Geester-) Danz. Dor keem dat denn ook, dat de Indianer ut de Reservatschoon flüchten. De sövend Divischoon fünn de Indianer un wull jüm wedder trüchbringen na de Reservatschoon. As de Suldaten dat angüngen, van de Indianer de Waapen wegtonehmen, keemen beid Gruppen bi to Wrangeln. De Suldaten füngen denn an, met ehr Büssen un Kanonen to scheten. Dat Massaker bi Wounded Knee waardt ankeken as de Afsluss van de Orlogen tüschen de USA un de Indianer, wowull dat ok later noch Scharmützeln geev.

Literatur[ännern | Bornkood ännern]

  • Coleman, William S.E. Voices of Wounded Knee, University of Nebraska Press (2000). ISBN 0-8032-1506-1.
  • Smith, Rex Alan. Moon of Popping Trees, University of Nebraska Press (1981). ISBN 0-8032-9120-5.
  • Utley, Robert. The Indian Frontier 1846-1890, University of New Mexico Press (2003). ISBN 0-8263-2998-5.
  • Yenne, Bill. Indian Wars: The Campaign for the American West, Westholme (2005). ISBN 1-59416-016-3.
  • Brown, Dee. Bury my Heart at Wounded Knee: An Indian History of the American West, Owl Books (1970). ISBN 0-8050-6669-1.