Marie Bracquemond

Vun Wikipedia
Wesseln na: Navigatschoon, Söök
Marie Bracquemond – Up de Terrasse in Sèvres 1880

Marie Bracquemond (boren Quivoron-Pasquiou) (* 1. Dezember 1840 in Argentan; † 17. Januar 1916 in Sèvres) weer franzöösch Malerin un hörr to de Kreis vun de groot franzöösch Impressionisten.

Nah en Jöögd in stuur Verhältnissen truck Marie Quivoron-Pasquiou to Tekenstudien nah Etampes bi Paris. Se maak Bekanntschap mit Jean-Auguste-Dominique Ingres, de hör fördert hett un ok ehr Stil präägt hett, ahn hör aber geregelten Ünnerricht to geven. 1957 kreeg se de Erlaubnis, in’ Louvre Biller to kopeeren. Dor hett se denn Félix Bracquemond kennenlehrt, de in Limoges as Porzellanmaler un Grafiker tätig weer. Se hebbt denn in’ 1869 heiraadt. Marie wurr vun hör Mann in sien Arbeit mit inbetrucken un hett denn Entwürfe för Porzellan, Keramik un Wanddekorationen makt. Se mal Landschapen un Stillleven un geev an en School Tekenünnerricht.

Een vun hör Warken, utstellt 1874 in de Pariser Salon, funn de Upmarksomkeit vun Degas, de de Künstlerin mit Renoir un Monet bekannt maken dee, deren Gemälde se bewunner. Dat weer vör allen Gauguin, de hör dorto anhollen hett, hör konventionell Stil uptogeven un nah de nee Manier to malen. Merhfak hett se sück denn mit eegen Arbeiten an de Utstellungen vun de Impressionisten bedeeligt.

Marie Bracquemond

Dat Ehepaar weer intüschen nah Sèvres ümtrucken. Félix Bracquemond harr wenig Verständnis för de künstlerisch Richtung vun sien Fru, un weer ok woll wat afgünstig up hör Spood. Sien Kritik hett hör woll möör makt un so beschränk se hör künstlerisch Tätigkeit up dat engste Ümfeld in Sèvres un geev dat Malen nah 1890 ganz up. So keem dat nich to de kumplett Entfaltung vun hör Talent un de Ümfang vun hör Levenswark bleev begrenzt. En retrospektiv Utstellung 1919 in de Pariser Galerie Bernheim-Jeune hett etwa 90 to’n Deel blots skizzenhaft Gemälde, 34 Aquarelle un neegen Steeken wiest.

Weblenken[ännern | Bornkood ännern]