Malcolm Scott Carpenter

Vun Wikipedia

Malcolm Scott Carpenter (* 1. Mai 1925 in Boulder, Colorado; † 10. Oktober 2013 in Denver, Colorado[1]) weer en US-amerikaansch Astronaut un Aquanaut.

Leven[ännern | Bornkood ännern]

De Öllern vun Carpenter hebbt sück trennt, as he dree Johr olt weer. Wiel sien Moder an Tuberkulose lieden dee, is he bi Früenden vun de Familie upwussen. Nah sien Studium vun de Luftfohrttechnik van 1945 bit 1949 an de Universität vun Boulder, dat he mit en Bachelor in Luftfohrtingenieurswesen afslooten hett, is Carpenter 1949 in de US Navy intreden un wurr dor 1951 Pilot, af 1954 Testpilot. Wiels disse Tiet hett he ok an den Korea-Krieg deelnommen.

Astronautenloopbahn[ännern | Bornkood ännern]

1959 wurr he vun de NASA in de eerste Grupp vun de US-Astronauten (Mercury Seven) wählt. He hett sück dorbi besünners up de Kommunikatschoon un Navigatschoon. As in’ Februar 1962 de eerste US-Weltruumfloog in de Eerdumloopbahn start wurde, stunn Carpenter as Ersatzmann för den Piloten John Glenn parat.

Carpenter överprüft den Hitzeschild vun Aurora 7

För den tweeten Floog in de Eerdümloopbahn vun en Amerikaner weer toeerst Deke Slayton vörsehn. As de aber wegen faststellt Hartproblemen nich insett wurrn kunn, wurr Carpenter för dissen Floog utsöcht. An’ 24. Mai 1962 is he denn mit de Mission Mercury-Atlas 7 in dat Ruumschipp Aurora 7 in’t All flagen. Nahdem he dreemal üm de Eer flagen weer, is he in den Atlantik rünnergahn, allerdings 400 km vun dat Bargschipp weg, so dat he mehrere Stünn up sien Bargen töven muss. He weer de eenzig Mercury-Astronaut, de de Kapsel över deren Tipp verlaaten harr, as dat vun de oorsprünglich ok plaant ween weer, all anner Astronauten hebbt de Sprengluuk bruukt.

To sien wiedere Upgaven bi de NASA hebbt ünner annern dat Överwaken vun Entwickeln un Konstruktschoon vun de Maandlandefähre för dat Apollo-Programm hörrt. Vun de NASA beurlaubt, nehm Carpenter an dat Sealab-II-Projekt vun de US-Marine deel. In’ Sömmer 1965 hett he een Maand in en Ünnerwaterstatschoon in 60 Meter Deept verbrocht. Torüch bi de NASA weer Carpenter ünner anner ok för dat Ünnerwatertraining vun de Astronauten tostännig

Nah de Tiet bi de NASA[ännern | Bornkood ännern]

In’ August 1967 hett Carpenter endgültig de NASA verlaaten un is to de US-Marine torüchgahn, wo he de Aquanauteninsatzen vun dat Sealab-III-Projekt leiten dee. Twee Johr later is he ut den Militärdeenst utscheeden. He hett denn dat Ünnernehmen Sear Sciences grünnd, de dat Teel harr, Meeresresourcen beter to bruuken. Hierbi hett he eng mit den franzööschen Meeresforscher Jacques-Yves Cousteau tosommenarbeit. He hett in all Ozeanen düükt, ok ünner dat Ies vun de Nöördliche Iessee.

Privates[ännern | Bornkood ännern]

Carpenter hett twee Romans un een Autobiografie schreven. He weer veermal verheiraadt (und dreemal scheett) un harr söben Kinner. He is an de Folgen vun en Slaganfall in en Krankenhuus in Denver storven.

Schriften[ännern | Bornkood ännern]

  • (mit Kris Stoever, sien Dochter): For spacious skies: the uncommon journey of a Mercury astronaut. Harcourt, Orlando 2002.
  • Deep Flight. Roman. Pocket Books, New York 1991.
  • The Steel Albatross. Roman. Pocket Books, New York 1991.
  • Inner Space. Silver Burdett, Morristown, N.J. 1969.
  • Exploring space and sea. Smithsonian Institution Press, Washington 1967.
  • (mit de anner Astronauten vun dat Mercury-Programm): We Seven. Simon & Schuster, New York 1962.

Weblenken[ännern | Bornkood ännern]

Scott Carpenter. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Scott Carpenter, astronaut-aquanaut, dies, was second American in orbit