Magellangoos

Vun Wikipedia
Magellangoos
Magellangoos
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Halfgöse (Tadorninae)
Tribus: Echte Halfgöse (Tadornini)
Geslecht: Spegelgöse (Chloephaga)
Oort: Magellangoos
Wetenschoplich Naam
Chloephaga picta
(Gmelin, 1789)
Magellangoos mit Jungen, El Calafate, Argentinien
Ei von de Magellangoos

De Magellangoos (Chloephaga picta) is en Vagel ut de Unnerfamilie vun de Halfgöse. Dor höört se to den Tribus vun de Echten Halfgöse un dor wedder to dat Geslecht vun de Spegelgöse (Chloephaga) to. Se is tohuse in Süüdamerika.

Kennteken[ännern | Bornkood ännern]

De Magellangoos ehre Flunken könnt vun Topp to Topp bit hen to 60 oder 65 cm utspannt weern. De Vagels weegt bit hen to 3 kg. De Ganner is grötter, as de Goos. He is witt, mit en swatten Striepen up den Ruggen un an de Flanken. De Snavel un de Föte sünd swatt. De Goos hett de Farv vun Kastanjen mit en Kopp, de oker farvt is. Ruggen un Bost hefft swatte Striepen, na den Steert to is se gries. De Föte vun de Goos sünd geel un de Snavel is rosig.

Wo se leven deit[ännern | Bornkood ännern]

Düsse Aart leevt en groten Deel vun dat Johr up dat Flackland. Man ok up Beeken un Ströme in'n Woold is se to finnen un in't Grasland vun Patagonien.

Ruden[ännern | Bornkood ännern]

Bi dat Ruden un wenn se upwassen deit blifft de Magellangoos an dat Water. Bi't Ruden verlüst se de eersten beiden Slagfeddern. Vundeswegen könnt se denn nich flegen. Anners könnt se bi't Flegen bit to 1.500 m hooch kamen.

Wie se sik vermehren deit[ännern | Bornkood ännern]

De Goos leggt 5 bit 8 hellbrune bit rohmfarvte Eier un brott dor denn 32 Dage up.

Wo se tohuse is[ännern | Bornkood ännern]

Vun de fiev Aarden, de to de Spegelgöse (Chloephaga) tohören doot, hett siik de Magellangoos an'n meisten utbreet. Se is tohuse vun de Provinz Buenos Aires in Argentinien bit an de süüdamerikaansche Westküst hen un langs den Stillen Ozean bit na Füerland hen. Ok up de Falklandinseln kummt se vör un in'n Winter wannert se na Uruguay hen.

Unneraarden[ännern | Bornkood ännern]

Twee Unneraarden sünd bekannt:

  • Chloephaga picta picta - in'n Süden vun Chile un Argentinien.
  • Chloephaga picta leucoptera - Falklandeilannen

Borns[ännern | Bornkood ännern]

Weblenken[ännern | Bornkood ännern]

Magellangoos. Mehr Biller, Videos oder Audiodateien to’t Thema gifft dat bi Wikimedia Commons.