Macaulay Culkin

Vun Wikipedia
Wesseln na: Navigatschoon, Söök
Mackaulay Culkin in’t Johr 1991

Macaulay Culkin (* 26. August 1980 in New York, USA) is en US-amerikaanschen Schauspeler. In’t Filmrebeet weer he een vun de internatschonal bekanntsten Kinnerdorstellers.

Macaulay Culkin is de Söhn vun den Filmschauspeler Christopher „Kit“ Culkin un Patricia Bentrup. Vun sien Süsters un Bröders sünd fief annere ok Schauspelers, man all nich so bekannt as Macaulay. De annern heet Kieran, Rory, Quinn, Shane un Dakota Culkin.

De Schauspelersche Bonnie Bedelia is sien Tante.

Biografie[ännern | Bornkood ännern]

In’t Öller vun blots veer Johren stünn Macaulay Culkin ton eersten mol op de Bühn mit dat Theaterstück Bach Babies. Dorno hett he noch fakener Theater speelt un harr 1987 sien eerste Filmrull in Rocket Gibraltar an de Siet vun Burt Lancaster. Sien Dörbrook as Schauspeler keem 1990 mit sien Rull in den Film Uncle Buck.

Sien Bekanntheit is wieter stegen dör de beiden spoodrieken Familienkummedien Home Alone (1990) un Home Alone 2: Lost in New York) (1992), beid üner den Speelbaas Chris Columbus. Een Johr later speel he an de Siet vun Elijah Wood in den Thriller The Good Son en Jungen, de annere Minschen an’n Kragen will un keem dormit ’n beten af vun sien sympathisch Ansehn as leven Jungen. Dorna künn he an den groten Spood nich wedder so recht rankamen.

Mit veerteihn Johren kreeg he tohuus den Schandaal mit, as sien Öllern sik scheden laten wullen. He weer dorvun ok bedrapen, vun wegen dat dat ok üm dat Sorgrecht güng. Sien Vadder, de jümmer as sien Manager optreden is, weer bekannt as de stereotype, agressive Öllerndeel, de sien Kind to Medienoptreden rantogen hett („showbiz parent“). Den sworen Ümgang mit sien Vadder beschreev Culkin 2006 in sien Autobiografie Junior.

De Spood, de as Dorsteller utbleevt, hett sik ok dör latere Filmen togen as Getting Even with Dad oder Richie Rich, för den de Jung 1995 vör de Golden Himbeer vörslahn weer.

An’n 21. Juni 1998 hett Culkin de Schauspelersche Rachel Miner heiraadt, man de Eh güng al 2000 wedder uteneen.

Sien schauspelerische Loopbahn hett Culkin eerst 2002/2003 wedder foortföhrt mit den Film Party Monster. 2005 kreeg he för sien Rull in den Film Saved! gode Kritiken. De Film harr ok anners veel Spood.

As dat hüst bi junge Schauspelers faken is, keem ok Macaulay Culkin mit weniger gode Saken in de Narichten: In’n September 2004 is he in Oklahoma tosamen mit sien Kolleeg Brett Tabisel un den Berliner Sasha Shawn Coppola Friday vun wegen Besitt vun Drogen un verschrievplichtige Tabletten fastnahmen worrn. De Saken weern in sien Handschohfack bi en Polizeikontroll funnen worrn. De jungen Lüüd harrn sik 1987 drapen dör den doodbleven Hollywoodstar Burt Lancaster. Anfang vun de 1990er Johren weern Culkin un Friday fakener op de Neverland-Ranch vun Michael Jackson. Culkin hett apentlich vör’t Gericht utseggt un hett de Anschulligungen jümmer torüchwiest. Culkin un Friday sünd jümmer wedder mol in de Presse vun wegen jemehr övermatigen Bruuk vun Alkohol.

Filmografie (Utwahl)[ännern | Bornkood ännern]

Johr Titel Synchroonsnacker
1988 Rocket Gibraltar  
1989 See You in the Morning
dt.: Zweites Glück
 
1989 Uncle Buck
dt.: Allein mit Onkel Buck
 
1990 Home Alone
dt.: Kevin - Allein zu Haus
Gabor Gomberg
1991 Only the Lonely
dt.: Mama, ich und wir zwei
 
1991 My Girl
dt.: My Girl – Meine erste Liebe
 
1992 Home Alone 2: Lost in New York
dt.: Kevin – Allein in New York
Florian Beba
1993 The Good Son
dt.: Das zweite Gesicht
 
1994 Getting Even with Dad
dt.: Allein mit Dad & Co.
Timm Neu
1994 The Pagemaster
dt.: Der Pagemaster – Richies fantastische Reise
Ozan Ünal
1994 Ri¢hie Ri¢h
dt.: Richie Rich – Die reichste Nervensäge der Welt
Ozan Ünal (?)
2003 Party Monster  
2004 Saved!
dt.: Saved! - Die Highschool-Missionarinnen
Ozan Ünal
2007 Sex and Breakfast  
2005-10 Robot Chicken, Feernsehfolgen  

Filmpriesen[ännern | Bornkood ännern]

Macaulay Culkin is in sien jungen Johren al en poor mol för Fuilmpriesen vörslahn wesen, dorünner ok al för den Golden Globe, aver ok eenmol för den Razzie Ward as Slechtest Schauspeler in Richie Rich. Wunnen hett he bit hüüt veer Priesen:

  • 1991: den American Comedy Award in de Kategorie Lustigste Schauspeler in en Speelfilm för Home Alone.
  • 1991: den CFCA Award in de Kategorie Opstiegen Schauspeler för Home Alone.
  • 1991: den Young Artist Award in de Kategorie Beste Jungdorsteller in en Speelfilm för Home Alone.
  • 1992: den MTV Movie Award in de Kategorie Beste Söten för My Girl.

Literatur[ännern | Bornkood ännern]

Websteden[ännern | Bornkood ännern]