Mützenow

Vun Wikipedia
Wesseln na: Navigatschoon, Söök

Mützenow (poolsch Możdżanowo) is en Dörp in Polen in de Woiwodschop Pommern, Kreis Stolp. Dat Dörp hett sowat 220 Inwahners.

Geografie[ännern | Bornkood ännern]

Mützenow liggt so bi söven Kilometer vun de Oostsee af. Na Westen to liggt dat Land wat höger, in’n Silberberg is de hööchste Punkt mit 45 Meter över de See.

Historie[ännern | Bornkood ännern]

Mützenow weer en Angerdörp, dat bi de düütsche Oostsiedlung nee anleggt worrn is. Dat Dörp höör dat Klooster Stolp to. As se 1534 de Reformatschoon in Pommern inföhrt harrn, dor müssen de Kloosters ehren Besitt afgeven un dat Dörp keem an den Hertog. Na de Buurnbefreeung weer Mützenow en Buurndörp, 1939 geev dat 60 Buurnhööv.

Mützenow weer tolest vör’n Krieg 836 Hektar groot un harr an’n 17. Mai 1939 393 Inwahners. Dat Dörp harr en School, op de 1932 bi 60 Schölers weren, de in twee Klassen Ünnerricht harrn. Na’n Krieg hett Polen 1947 de düütschen Inwahners verdreven un in Mützenow leven nu Polen.

Kark[ännern | Bornkood ännern]

De Kark hebbt se 1356 boot un weer den hilligen Jodocus wieht. To dat Kaspel hören tolest de Öörd Starkow, en Deel vun Steinwald un Scharfenstein.

Lüüd ut Mützenow[ännern | Bornkood ännern]

De Schriever un Schauspeler Klaus Granzow is 1927 in Mützenow boren. He is sien Leven lang siene pommersche Heimat verbunnen bleven.

Weblenken[ännern | Bornkood ännern]

Commons-logo.svg Mützenow. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:54° 30′ N, 16° 46′ O