Luis Alberto Lacalle Herrera

Vun Wikipedia
Luis Alberto Lacalle Herrera

Dr. Luis Alberto Lacalle Herrera (* 13. Juli 1941 in Montevideo) is en uruguayisch Jurist un Politiker: He weer van‘ 1. März 1990 bit 1. März 1995 Staatspräsident vun sien Land.

Lacalle shett an de Universidad de la República in Montevideo Jura studeert un dor 1964 sien Afsluss makt. All mit 17 Johr fung he an, sück aktiv för Politik to interesseeren un is de Partido Nacional bitreden. Nah sien Studium hett he völ politisch Ämter bekleed, so weer he Liddmaat vun dat Natschonale Komitee vun de Partido Nacional, dat Finanz-Komitee, dat Transportkomitee un dat apenlich Arbeitskomitee as ok Senator.

1987 wurr Lacalle to’n Viezpräsidenten vun den Senat ernannt un an‘ 19. Juli 1999 to’n natschonalen Vörsitter wählt, de hööchst Positschoon in de Partido Nacional.

1990 hett he Julio María Sanguinetti as Präsident för fiev Johr aflööst. As gröttste Spood in sien Präsidentschap is dat Entstahn vun den gemeensamen Markt Mercosur antosehn, wat he tosommen mit de Präsidenten Carlos Menem, Argentinien, Fernando Collor de Mello, Brasilien un Andrés Rodríguez ut Paraguay henkreegen hett. 1995 hett hüm Sanguinetti as Präsident weer aflööst. Bit 2009 hett he noch vergevens versöcht, weer Präsident to wurrn.

För sien ehrenvull Tätigkeiten kreeg Lacalle de Ehrendokterwürde vun:

Lacalle Herrera is Liddmaat in den Club of Rome, is verheiraadt un hett veer Kinner.

Vörgänger Amt Nafolger
Julio María Sanguinetti Coirolo Präsident vun Uruguay
1. März 1990 - 1. März 1995
Julio María Sanguinetti Coirolo

Weblenken[ännern | Bornkood ännern]