Ludger Abeln

Vun Wikipedia
Ludger Abeln (2010)

Ludger Abeln (* 10. Juni 1964 in Meppen) is en düütschen Moderator.

Leven[ännern | Bornkood ännern]

Abeln is 1964 in Meppen boren un hett an dat Gymnasium Marianum in Meppen Abitur maakt. Toeerst möök he denn en Lehr as Discher, füng denn aver ok noch en Studium an de Universität Hannober an. Wehrdeenst hett Abeln as Reserveoffizieranwärter in dat Sanitätsbatalljon 11 in Leer maakt.

Abeln dee denn as Redaktör un Moderator bi de Radiosenners Hitradio Antenne un Radio ffn arbeiden un keem 1999 to’n NDR-Feernsehn. He hett ünner annern för „Polizeireport Niedersachsen“ un „Talk op Platt“ arbeidt. Bi Talk op Platt weer he denn ok toeerst mit Moderator. Vun 2000 af an modereer he dat Regionalmagazin „Hallo Niedersachsen“ un ok Folgen ut de Reeg „Nordabend“ un vun de „NDR Quiz Show“. Siet September 2004 is Abeln Moderator vun de Aktuelle Schaubude. Eenmal in Maand maakt he „Hallo Niedersachsen“ ok op Platt. Anfang 2014 hett he sien Loopbahn bi den NDR afslooten un is denn Pressespreker bi dat VW-Wark in Emden wurrn.

As Reporter för Antenne Niedersachsen weer Abeln ok för dree Weken as Kriegsberichterstatter in Somalia un hett över den Insatz vun düütsche Truppen bi de UNOSOM-Mission vun de Vereenten Natschonen Bericht geven.

Abeln leevt mit siene Fro un sien Söhn in Leer.

Warken[ännern | Bornkood ännern]

Böker[ännern | Bornkood ännern]

  • Jümmers munter blieben. Verlag Michael Jung, Kiel 2008
  • Wi harrn jo nix!. Verlag Michael Jung, Kiel 2010
  • Populäre Niedersachsen-Irrtümer: Ein Lexikon. Aufbau Verlag, Berlin 2012 (Hochdüütsch)

CDs[ännern | Bornkood ännern]

  • Ludger Abeln vertellt. Verlag Michael Jung, Kiel 2008
  • Weihnachten mit Lükko Leuchtturm tosamen mit Bernd Flessner. Leda-Verlag, Leer 2006 (Hochdüütsch)
  • Die schönsten Weihnachtsgeschichten aus Norddeutschland tosamen mit Edgar Bessen un annere. Verlag Michael Jung, Kiel 2008 (Hochdüütsch)

Weblenken[ännern | Bornkood ännern]