Lucien Buysse

Vun Wikipedia
Wesseln na: Navigatschoon, Söök
Lucien Buysse
Buysse bi de Tour de France 1926

Lucien Buysse (* 11. September 1892 in Wontergem; † 3. Januar 1980 ebenda) weer en belgisch Radrennfohrer.

Lucien Buysse fung sien Profikarriere 1914 an, geev in dit Johr aber bi sien eerst Deelnahm an de Tour de France up. Nah den eersten Weltkrieg nehm he sien Karriere weer up. 1923 reck he eerstmals dat Teel bi de Tour de France un keem up Platz 8. Af 1924 is he för de italieensch Automoto-Mannschaft an. He hett denn deren Star Ottavio Bottecchia bi sien beid Siegen 1924 un 1925 hulpen, wobi sück Buysse mit en darten Platz 1924 un Platz 2 in dat Johr 1925 sülvst ok spoodriek präsenteeren dee.

De Tour de France 1926 weer mit 5745 Kilometern in 17 Deelstrecken de längste Tour in de Historie. Lucien Buysse, de vun sien Bröers Jules un Michel unterstütt wurr, övernehm wiels en Störm in den Pyrenäen de Tipp vun dat Klassement, wiels Bottecchia upgeven dee. Bi de Teelankunft in Paris harr Buysse en Vörsprung vun een Stünn, twee Minüüt un 25 Sekunn up den tweetplatzeerten Luxemburger Nicolas Frantz.

All tosommen wunn Lucien Buysse 5 Deelstrecken bi de Tour: een 1923, twee 1925 un twee 1926.

Wat he schafft hett[ännern | Bornkood ännern]

Platzeeren bi de Tour de France[ännern | Bornkood ännern]

  • 1914: upgeven
  • 1919: upgeven
  • 1923: Platz 8 (Een Deelstreck wunnen)
  • 1924: Platz 3
  • 1925: Platz 2 (Twee Deelstrecken wunnen)
  • 1926: Gesamtsieger (Twee Deelstrecken wunnen)
  • 1929: upgeven
  • 1930: upgeven

Weblenken[ännern | Bornkood ännern]