Lucien Aimar

Vun Wikipedia
Lucien Aimar (1973)

Lucien Aimar (* 28. April 1941 in Hyères) is en ehmalger franzöösch Radrennfohrer.

Aimar wunn 1966 överraschend de Tour de France noch vör Jan Janssen un Raymond Poulidor. Den Grundsteen för den Sieg legg he in en Utrietergrupp up de teinte Etapp. In de Bargen kunn he sien Geel Trikot verteidigen, ahn en Etappensieg to halen. Afsehn vun sien franzöösch Meestertitel 1968 un de Gesamtmsieg bi dat Rennen Veer Daag vun Düünkarken 1967 kunn Aimar nichts groots mehr vörwiesen.

Angeblich harr he nah sien eegen Utsaag up de Spitz vun de Col di Torini acht Minüüt Rückstand up Eddy Merckx, as se beid ünnern weern, weer he an Merckx sien Achterrad. Buterdem wurr he angeblich up de Affohrt vun den Mont Ventoux mit 140 km/h meeten.

Bi dat Rennen La Flèche Wallonne 1966 hebbt sück de dree Eerstplatzeerten Dancelli, Aimar un Altig vör de Dopingkontroll drückt. Hör Disqualifikation hett man denn aber kört för de Tour de France weer uphaben.[1][2]

Born[ännern | Bornkood ännern]

  1. Cycling4Fans: Radsport - Dopingfälle
  2. Cycling4Fans: 1950 - 1980, die Hoch-Zeit der Amphetamine

Weblenken[ännern | Bornkood ännern]