Luc Montagnier

Vun Wikipedia
Prof. Luc Montagnier, 2008

Luc Antoine Montagnier (* 18. August 1932 in Chabris; † 8. Februar 2022 in Neuilly-sur-Seine[1]) weer en franzöössch Viroloog un Nobelpriesdräger.

Leben[ännern | Bornkood ännern]

Nah sien Schoolafsluss hett Montagnier in Poitiers und Paris studeert. Af 1955 weer he an de Universität Paris tätig, 1965 bit 1971 an’t Radium-Institut in Paris. 1972 wurr Luc Montagnier Baas vun de virologisch Afdeelen an’t Institut Pasteur in Paris, de he van 1985 an as Perfesser führen de. Van 1991 bit 1997 weer he an dat glieker Institut Baas vun de Afdeelen för HIV/AIDS un Retroviren. 1997 wessel he an dat Queens College vun de Universität New York, wo he bit 2001 Direktor vun dat Zentrum för molekulare un zelluläre Biologie weer.

He weer Chef vun de Arbeitsgrupp, de 1983 eerstmals den hüüd as HI-Virus bekannt Erreger vun de Immunschwächekrankheit AIDS isoleeren de.

Dat Virus wurr anfangs as „lymphadenotropes Virus“ oder „Lymphadenopathie-assoziiertes Virus“ (LAV) betekend. Dat geev en langen Rechtsstriet um dat Patent, wiel Montagnier dat Patent för den HIV-Antikörper-Test en half Johr för Robert Gallo beandragt hett, Gallo kreeg dat aber ehder vun dat US-Patentamt. Nahderhenn hett man sück up hööchst politisch Ebene 1987 dör US-Präsident Ronald Reagan un de franzöösch Premierminister Jacques Chirac eenigt.[2] Johren later hett Robert Gallo togeeven, dat Montagnier de Eerst weern weer, de dat HI-Virus opdeckt hett.

Beid kregen aber 1988 den Japan-Pries. In’ Oktober 2008 wurr Montagnier tosommen mit Françoise Barré-Sinoussi en Hälft vun de Nobelpries för Physiologie oder Medizin för dat Opdecken vun dat HI-Virus tospraken.[3] De anner Hälft vun den Nobelpries kreeg Harald zur Hausen ut Düütschland.

Montagnier is verheiraadt un hett twee Döchter, Anne-Marie und Francine, as ok een Söhn, Jean-Luc.

Enkeld Nahwiesen[ännern | Bornkood ännern]

  1. Luc Montagnier, codécouvreur du VIH et Prix Nobel de médecine en 2008, est mort. In: Le Monde.fr. 10. Februar 2022 (lemonde.fr [afropen an’n 10. Februar 2022]).
  2. Chicago Tribune: Tribune reported on controversy that surrounded HIV discovery van’ 6. Oktober 2008.
  3. Pressemitteilung der Nobelstifung (PDF) van’ 6. Oktober 2008.

Weblenken[ännern | Bornkood ännern]

Luc Montagnier. Mehr Biller, Videos oder Audiodateien to’t Thema gifft dat bi Wikimedia Commons.