Lübben (Vörnaam)

Vun Wikipedia
(wiederwiest vun Lubbe)

Lübben (ok Lübbe oder Lubben un Lubbe) un Lübbo is een plattdüütschen (un freeschen) Vörnaam för Jungs.

Herkamen[ännern | Bornkood ännern]

Lübben is de korte Form vun den Naam Liborius. Een anner korte Form vun düssen Naam is de Naam Borries. Liborius weer een Hilligen ut dat 4. Johrhunnert, de in de franzöösche Stadt Le Mans leevt hett un dor Bischop ween is. He is later de Schutzpatron vun Patterbuorn wurrn. In Westfalen un de Nedderlannen weer sien Kultus in't Middelöller ganz begäng.

De plattdüütsche Vörnaam[ännern | Bornkood ännern]

As dat faken vörkeem, is de Naam Liborius eerst mol afkört wurrn. Dor is denn de Form Libo oder Libe vun wurrn. Vunwegen datt dat fröher noch keen Duden un keen Sass geev, is düsse korte Naam denn woll ok Lubbe oder Lübbe schreben wurrn. Fröher keem dat fökener mol vör, dat desülbigen plattdüütsche Naams mol mit i un mol mit u oder ü schreben wurrn sünd. So weer dat ok bi de Deernsnaams Wiebke (Wubbke, Wüpke) un Lieken (Lucke, Lücke). Vunwegen undüütliche Utspraak keem dor denn ok noch dar Suffix -n achtern an.

Fundöörd[ännern | Bornkood ännern]

Düsse Naams keemen in't laat Middelöller un in de fröhe Nutiet besunners in Rüstringen, Wursten un in anner ööstlichen Delen vun Freesland vör. Man ok in Bremen geev dat Mannslüde mit düssen Naam

Plattdüütsche Tonaams[ännern | Bornkood ännern]

Vun düsse plattdüütschen Vörnaams kaamt nu ok de Tonaams Lubben oder Lübben vun her. De bedüüt so veel, as : Ut Lübbe sien Familie oder Vun Lübben sien Hoff.

Kiek ok na bi[ännern | Bornkood ännern]

Weblenken[ännern | Bornkood ännern]