Louis Notari

Louis Notari (* 1879 in Monaco; † 1961 ok dor) weer en monegass’schen Schriever.

Notari is 1879 in Monaco boren. He hett later an dat Polytechnische Institut Turin en Afsluss as Inschenör maakt un weer vun 1912 an Direkter vun de Stadtbobedrieven vun Monaco. Ünner annern hebbt se ünner sien Leid den Exootschen Goorn vun Monaco boot. He is bet 1943 bi’n Stadtbo bleven un denn in Rohstand gahn. Notari weer de eerste, de dat Monegass’sche, den liguurschen Dialekt vun Monaco, opschreven hett. Vun em stammt ok de monegass’sche Version vun de Natschonalhymne vun Monaco. Na em hebbt in Monaco de Louis-Notari-Bökeree un en Straat in La Condamine jemehr Naams.

Warken

• A legenda de Santa Devota/Santa Devota. 1927
• Bülüghe munegasche. 1941
• Quelques notes sur les traditions de Monaco. 1960