Live Free or Die Hard

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Live Free or Die Hard
Düütsch Titel: Stirb langsam 4.0
Produkschoonsland: USA
Johr vun’t Rutkamen: 2007
Läng: 128 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Len Wiseman
Dreihbook: Mark Bomback
Doug Richardson
Produkschoon: John McTiernan
Bruce Willis
Musik: Marco Beltrami
Kamera: Simon Duggan
Snitt: Nicolas De Toth
Szenenbild: Patrick Tatopoulos
Kledaasch: Denise Wingate
Dorstellers

Live Free or Die Hard (op plattdüütsch so veel as „Leev free oder starv gresig“; dt. Titel: Stirb langsam 4.0) is de Titel vun en US-amerikaanschen Actionfilm ut dat Johr 2007 un de veerte Deel ut de Die-Hard-Filmreeg. As in de vörigen Filmen speelt Bruce Willis de Hööftrull. Speelbaas weer bi dissen Deel Len Wiseman.

Inholt[ännern | Bornkood ännern]

De USA warrt vun en ne’e Oort vun Terrorismus bedrauht, de op de Even vun de Reeknertechnik lopen deit. Dorachter stickt de Sekerheits-Fackmann Thomas Gabriel, de in’t Pentagon arbeit hett, denn aver vör de Döör sett worrn is. Mit en Grupp vun Verbrekers, de ahn Tögern ok över Lieken gaht, bringt he an’n 4. Juli – den Unafhangigskeitsdag vun de USA – all Reeknernettwarken vun’t Land ünner sien Kontroll, un hett dormit Togreep op de hele Infrastruktur, de he to’n Tosamenbreken bringt. In’n Film warrt dat as „Fire Sale“ betekent.

To Anfang vun’n Film warrt wiest, as en gröttere Tall vun Hackers ahn Weten för Gabriel sien Grupp de nödige Software tohopenstellt. Üm keen Tügen natolaten warrt se een na’n annern dör Bomben an de Siet maakt. John McClane kriggt in New York den Opdrag, den Hacker Matthew Farrell to’n Verhöör aftoholen, na dem sik de Grupp in’t FBI-Nettwark insleken hett. Ok Farrell höört to de Hackers, de nu an de Siet maakt warrn schüllt. He överleevt blots, vunwegen dat McClane em to rechten Tiet opsöken deit. Dat gifft en Scheeteree, man Farrel un McCLane künnt utrieten. Nu stellt sik rut, dat de Hackers ünner den Vörwand en nee Sekerheitssystem to testen, Gabriel den Togreep op dat hele ööstliche Nett vun de USA mööglich maakt hebbt.

Gau warrt McCLane kloor, dat Gabriel all de Standardaflööp vun de Behörden för sik nütten deit, üm jem mit sik sülvst op Trapp to holen. Also geiht he de Saak op egen Fuust op’n Grund mit Ünnerstütten vun Farrell, den sien Leven he jo vörher rett harr. Se jaagt nu de Verbrekers.

Dat stellt sik rut, dat Gabriel den Fire-Sale as Helpsmiddel bruken deit, üm all Finanzdaten vun de USA to klauen, de na de Terroranslääg vun’n 11. September in en tarnte NSA-Butensteed sekert worrn sünd. Mit Help vun den Hacker „Warlock“ kriegt McClane un Farrell dorvun Wind un maakt sik op’n Weg dorhen, üm den Plaan optohollen.

McClane hett al meist de Hälft vun all de Gegners utschalt, as Gabriel sien Dochter roven lett un as Druckmiddel in sien Gewalt fangen holt. Ok Farrell warrt opgrepen, kann aver vörher noch all Daten, de Gabriel in sien Besitt kregen hett, verslöteln. Mit Farrell un McClane siene Dochter as Börgen neiht Gabriel ut. Natürlich gifft McClane nich na. He verfolgt den Verbreker mit en Truck un mutt sik ok noch mit en F-35B-Kampjet ut’neensetten. Opletzt hett he Spood. He kann all Verbrekers tosamen mit Gabriel utschalten un sien Dochter un Farrel redden. Dat eenzig wat em argert ist, dat sik de beiden jungen Lüüd an’t Enn förenanner to intresseren anfangt.

Kritik[ännern | Bornkood ännern]

  • Lexikon vun’n internatschonalen Film: Bruce Willis belebt zum vierten Mal lustvoll die Figur des coolen und zugleich verletzbaren Cops, mit der er in den 1980er-Jahren Kinogeschichte schrieb. Das ist spektakulär und rasant und in der Ausgestaltung der Hauptrolle auch nicht ohne amüsanten Reiz, und doch bleibt das Drehbuch des soliden Actionfilms etwas zu einfallslos und wirkt die Action allzu irreal und übertrieben.[1]
  • Cinema: Die Rolle des McClane im furiosen Actionthriller »Stirb langsam« hat Bruce Willis vor knapp zwanzig Jahren berühmt gemacht – und bis heute haben die Figur und ihr Protagonist nichts von ihrer Faszination eingebüßt: Auch mit 52 Jahren macht Willis als Actionheld eine mehr als gute Figur. Schade nur, dass die nicht in einem besseren Film auftaucht. So geht es im inzwischen vierten Teil der erfolgreichen Thriller-Reihe vergleichsweise gemächlich zu – keine Spur vom Achterbahnkino der ersten Folgen. […] Fazit: Teils furioser, doch meist mittelmäßiger Reißer, der die hohen Erwartungen der Fans nicht erfüllt.[2]

Utteken[ännern | Bornkood ännern]

De Film weer för föffteihn Filmpriesen vörslahn, dorünner ok tweemol för den Saturn-Pries. Uttekent worrn is he mit twee Priesen:

  • 2007: mit den COLA in de Kategorie Location Professional vun’t Johr – Speelfilm för Curtis Collins
  • 2008: mit den Taurus Award in de Kategorie Best Stunt-Koordinater un/oder Best Baas vun de 2. Eenheit för Brad Martin, Brian Smrz un John Branagan

Anners wat[ännern | Bornkood ännern]

  • De film hett al an’n eersten Dag in de Kinos mehr as 9 Millionen US-Dollar inspeelt. Weltwiet hett de Film mehr as 383 Millionen US-Dollar tosamenspeelt. Dormit is de Film de tweetspoodriekste Film ut de Reeg.
  • De Dreiharbeiten hebbt an’n 28. September 2006 in Baltimore anfungen. Wietere Dreihöörd weern Los Angeles un Washington D.C.[3]
  • Bruce Willis harr bi de Dreiharbeiten meist en Oog verloren, as en Stunt fehlslahn is[4] .
  • De Produzenten hebbt angeven, de Grafikingrepen, de vun Reekner ünnerstütt weern, (Trickeffekten un annere) so unopfallig as mööglich inboet to hebben. De Film schüll dordör so realistisch as mööglich wirken, wodör sik de Film vun annere tyypsche CGI-Filmen as Transformers oder 300 düütlich ünnerscheden schüll. Alltohopen sünd mehr as 200 an’n Reekner ännert worrn[5].

Borns[ännern | Bornkood ännern]

  1. Tietschrift film-dienst un Katholische Filmkommissschoon för Düütschland (Rgv.), Horst Peter Koll und Hans Messias (Red.): Lexikon des Internationalen Films – Filmjahr 2007. Schüren Verlag, Marburg 2008. ISBN 978-3-89472-624-9
  2. Filmkritik, Cinema
  3. Dreihöörd na de Internet Movie Database
  4. „Bruce Willis: »Stirb langsam 4.0« kostet ihn fast ein Auge“, Filmstarts, 6. Juni 2007
  5. „How They Did It: Live Free or Die Hard“, studiodaily.com, Bryant Frazer, 12. Juli 2007

Weblenken[ännern | Bornkood ännern]