Litbarg

Vun Wikipedia
Wesseln na: Navigatschoon, Söök
Litbarg
Barggrupp:
Hööchd: 65 m över NN
Laag: Neddersassen
Laag:
Koordinaten:53° 23′ N, 9° 37′ O
53° 23′ N, 9° 37′ O

De Litbarg is en 65 m över NN hogen Barg in bi Sounsiek un de höögste Barg in’n Landkreis Stood. He liggt so bi 2,5 km süden von Beekdörp un en halven Kilometer noordoosten Sounsiek. Dat is en ole Morään ut de Saal-Iestied, op de vondaag Barken, Fuhren, Weiden un Ellern wasst. Mit sien Laag op de Geest westen von de Horborger Bargen is dat en Landschopsschuulrebeed.

Von 1949 bet 1962 hett dat bi’n Litbarg en Sandkuhl geven. Dor hebbt se ok en Barg Findlings bi funnen. De Sandkuhl weer na de Tied wedder kumplett sik sülvens överlaten un is towussen.

Baven op gifft dat en 25 m hogen Utkiektoorn, de in’n Oktober 2008 boot worrn is. Bi gode Sicht reckt de Utblick bet na’n Feernsehtoorn Hamborg un de Köhlbrandbrügg.

Carl Friedrich Gauß hett von 1821 af an dat Königriek Hannover vermeten. In de sieden noorddüütschen Kuntrein weer em de Litbarg en grote Hülp. Gauß sien Meetpunkten weren later ok op de Achtersied von de düütschen 10-Mark-Schien afbillt.