Lita Grey

Vun Wikipedia
Wesseln na: Navigatschoon, Söök
Lita Grey

Lita Grey (* 15. April 1908 in Hollywood as Lillita Louise MacMurray[1]; † 29. Dezember 1995 in Los Angeles) weer en US-amerikaansche Schauspelersche un de tweete Ehfro vun Charlie Chaplin.

Leven[ännern | Bornkood ännern]

Lita Grey weer de Dochter vun en Mexikanerin un en Schotten. In’t Öller vun söss Johren is se vun Charlie Chaplin in en Restaurant opdeckt worrn, man dat hett noch wietere söss Johren duert, eh ehr Mudder ünner’t Vermiddeln vun Chaplins Helpsmann as Speelbaas Chuck Riesner Verlööf geven hett, dat se in Hollywood en Karriere maken dröff.

De eerste Film, in den se mitspeelt hett weer de Chaplin-Produkschoon The Kid. Dorin speel se een „Engel vun’t Versöken“, de an Lolita denken laten hett. Dorna keem mit The Idle Class blots noch een Produkschoon, vördem ehr Verdrag utlopen de. Dree Johr later is ehr vun Charlie Chaplin wedder en Hööftrull anboden worrn, ditmol in den Film The Gold Rush.

Wiel de Dreiharbeiden an den Film harr se mit Chaplin en Affär un kreeg vun em en Kind, liekers dat se eerst sössteihn Johr oolt weer. To de Tiet gell en sexuellen Kuntakt mit Minnerjohrigen na dat Kalifornische Recht jüst do veel as’n Vergewaltigen, so dat Chaplin keen anneren Weg harr, as ehr foorts to heiraden. Anners weer he vun de Justiz verfolgt worrn. De eh hebbt se an’n 26. November 1924 in Mexiko slaten. De Geboortsdag vun den eersten Söhn Charles Chaplin junior (1925-1968), is in de Apenlichkeit verkehrt angeven worrn, üm so to doon, as weer dat Kind eerst na de Hochtiet tüügt worrn. Jemehr tweede gemeensome Söhn, Sydney Earle Chaplin, is een Johr later op de Welt kamen. Ok Sydney hett sien Glück in’t Showbusiness versöcht. Man, de Eh twüschen Charlie Chaplin un Lita Grey hett sik liekers teemlich gau afköhlt. An’n 22. August 1927 is de eh al wedder in en Prozess mit veel Schandal scheedt worrn, vun wegen de tallrieken Affären, de Chaplin harr. Dat Sorgrecht as alleen de Mudder tospraken worrn.

In de Johren dorna hett Lita Grey tietwies as Danzerin in’t Varieté arbeit. In de 1970er un 1980er Johren hett Grey in Beverly Hills en Arbeit as Sekretärsche in Robinson’s Department Store utöövt.

Grey weer noch wietere dree mol verheiraadt, man ok ehr Ehen mit Henry Aguirre, Arthur Day un Pat Long weern all scheedt. 1966 hett se ehr Memoiren ünner den Titel My Life with Chaplin: An Intimate Memoir (dt.: „Ich war Charlie Chaplins Frau“) publizeert. In ehr beiden letzten Levensjohren hett se an en wieteret biograafsch Book arbeidt.

Grey is 1995 in Los Angeles in’t Öller vun 87 Johren an Krebs doodbleven.

Filmografie[ännern | Bornkood ännern]

Johr Titel Synchroonsnacker
1921 The Kid
dt.: Der Vagabund und das Kind
 
1921 The Idle Class
dt.: Die müßige Klasse
 
1925 The Gold Rush
dt.: Goldrausch
 
1933 Seasoned Greetings  
1938 Skyline Revue  
1949 The Devil’s Sleep  

Borns[ännern | Bornkood ännern]

  1. David Robinson, “The little lady and the Tramp”, in: Guardian vom 2. Januar 1996.

Websteden[ännern | Bornkood ännern]