Liet Ynternasjonaal

Vun Wikipedia
Wesseln na: Navigatschoon, Söök

Liet Ynternasjonaal (westfreesch för Leed Internatschonal; ok Liet-Lavlut) is en internatschonalen Singwettstriet för europääsche Spraakminnerheiten. De Idee is vun’n Eurovision Song Contest afkeken, man Liet wiest würklich verschedene Spraken un Kulturen, nich blots verschedene Länner. All Singers singt in jemehr egen Spraken. Vele Minnerheitensenners in Europa hebbt den Wettstriet ok al in’t Feernsehn överdragen.

Toeerst harr Onno Falkena 1991 en Singwettstriet för Westfreesland in’t Leven ropen, dat Lietfestival. 2002 harrn se dat denn verwiedert, so dat ut ganz Europa Minnerheitengruppen mitmaken dröffen. Dat gifft Vörutscheden in Westfreesland (Liet), in Skandinavien un dat Baltikum (Laulun-Laulut), bi de Samen (Sámi Grand Prix), bi de Kelten (Nos Ur) un in Galicien (A Polo Ghit). De Winners sünd direkt qualifizeert. De annern Gruppen un Singers köönt sik direkt bewarven un warrt vun en Komitee utwählt. 2006 weren dat alltohoop 61 Gruppen un Singers ut 25 europääsche Regionen, de mitmaken wullen. Ölven Regionen hett dat Komitee utsöcht, de bi den Wettstriet denn mitmaakt hebbt.

Wettstrieden betherto[ännern | Bornkood ännern]

Wannehr Woneem Winner Winnerleed Spraak
29. April 2002 Ljouwert (Fresen) Pomada En Pere Galleri Katalaansch
23. November 2003 Ljouwert (Fresen) Transjoik Mijajaa Saamsch
22. Oktober 2004 Ljouwert (Fresen) Niko Valkeapää Rabas Mielain Saamsch
14. Oktober 2006 Östersund (Samen) Johan Kitti un Ellen Sara Bähr Ludiin Muitalan Saamsch
18. Oktober 2008 Luleå (Samen) Jacques Culioli Hosannah in Excelsis Kors’sch
31. Oktober 2009 Ljouwert (Fresen) SomBy i Idit Vel Saamsch
27. November 2010 Lorient (Bretonen) Orka Färöösch
19. November 2011 Udin (Friulen)

Weblenken[ännern | Bornkood ännern]