Leo V. (Paapst)

Leo V. (* in Priapi) weer vun August bit September 903 för etwa 30 Daag (nah anner Borns vun Juli bit September) Paapst.

Över Leo V. is blots wenig bekannt. En bretoonsch Legende seggt, dat St. Tugdual, de Schuulpatron vun Treguier, as Pilger nah Rom gung un dor to'n Paapst erhaben wurr. Disse Version wurrd dordör stütt, dat Leo gemäß den röömschen Katalog den Naam „Leo britigena“ annehm. En anner Version seggt, dat he ut Priapi, en Dörp dicht bi de Gemeend Ardea südlich vun Rom stammt. Wiel he bi de Wahl nich to de Kardinalpreestern vun Rom hörr, wurr he in Berichten ut sien Tiet as „Presbiter forensis“ betekent.

Över sien Wirken as Paapst is blots bekannt, dat he en Bulle verfaat hett, de den Kanonikern vun Bologna bestimmt Stüern erlaaten dee. En Schriever ut de Tiet, Auxilius, hett vun hüm seggt, dat he en Mann Goddes un sien Leven un sien Heiligkeit ruhmeswürdig ween weern.

Nah en Amtstiet vun etwa 30 Daag wurr he vun den Kardinalpreester Christophorus vun St. Damasus störrt un in Haft nommen. Christophorus hett sück to'n Paapst maakt, wurr aber sülvst in' Januar 904 vun Sergius III. gewaltsam störrt.

Över de Dood vun is nichts Sekeres bekannt. En Version seggt, Christophorus harr hüm inkerkert un erwürgt, en anner gifft an, sien Amtsnahfolger Sergius III. harr mit sien twee in Haft nommen Vörgänger „Mitleed“ harrt un de beid henrichten laaten. De Catholic Encyclopedia hollt dat för an' wohrschienlichsten, dat he in't Gefängnis oder in en Kloster an en natüürlichen Dood storven is. Sien Gebeene wurrn in' Lateran oder in St. Peter vermoot.

Literatur

• Klaus Herbers: Leo V. In: Lexikon des Mittelalters (LexMA). Band 5, Artemis & Winkler, München/Zürich 1991, ISBN 3-7608-8905-0, Sp. 1878–1879.
• Umberto Longo: Leone V. In: Massimo Bray (Hrsg.): Enciclopedia dei Papi, Istituto della Enciclopedia Italiana, Band 2 (Niccolò I, santo, Sisto IV), Rom 2000, OCLC 313581688, S. 59–60 (italieensch).

Weblenken

Leo V.. Mehr Biller, Videos oder Audiodateien to’t Thema gifft dat bi Wikimedia Commons.

• Leo V. in Salvador Miranda: The Cardinals of the Holy Roman Church, online auf fiu.edu, Website der Florida International University, gesehen am 22. November 2011. (engelsch)
• Indrag in de Catholic Encyclopedia

Vörgänger	Amt	Nafolger
Benedikt IV.	Paapst 903	Sergius III.