Leo Linkovesi

Vun Wikipedia
Wesseln na: Navigatschoon, Söök

Leo Ensio Linkovesi (* 8. April 1947 in Helsinki; † 7. November 2006 in Kerava) weer en finnisch, Iesflinklöper, de besünners up Körtstrecken good weer.

Linkovesi harr in dat Johr 1972 sien internatonalen Dörbröök, nahdem he all 1970 bi de Einzelstreckenweltmeesterschapen in West Allis debüteert harr. An’ 8. Januar 1972 brook he in Davos nich blots Erhard Kellers Weltrekord över de 500-Meter-Strecke (um 0,3 Sekunn up 38,0 Sekunn) sonnern stell mit 156,500 Punkten en nee Weltrekord up. He weer denn ok Favorit för den Sieg bi de Olympisch Winterspelen 1972 in Sapporo, keem aber bi den Keller-Sieg sülvst blots up den 6. Platz. Bi de eerste Weltmeesterschapen in’ Sprintmehrkamp 1972 wurr he an’ 27. Februar 1972 in Eskilstuna eerster Weltmeester in disse Disziplin. 1973 in Göteborg wunn he bi de Profis die Sülvermedaille achter Hasse Börjes, aber vör sien ständig Rivalen Keller. Bi de Sprint-Europameesterschap vun de Profis 1974 in Savalen wurr he achter Börjes un Ivar Eriksen Dart.

Linkovesi weer bit to sien Dood de letzt finnisch Iesflinklöper, de en internatschonalen Titel winnen kunn oder en Weltrekord upstellt hett. 1973 wurr he Profi, aber disse Liga gung en Johr later all weer pleite un he is weer Amateur wurrn. Bit 1980 bleev he up natschonaler Ebene aktiv.

Weblenken[ännern | Bornkood ännern]