Leo II. (Paapst)

Vun Wikipedia
Wesseln na: Navigatschoon, Söök

Leo II. (* in Sizilien; † 3. Juli 683) weer Paapst van’n 17. August 682 bit to sien Dood. Sien Naam bedüüd: de Lööw.

Leo II. weer en Greek ut Sizilien. De greeksch Spraak un Literatur weer dormals in Rom so vergeeten, dat hör Kenntnisse as ganz wat Besünners gull un de greeksch as ok latiensch snacken Paapst as Wunner vun de Gelehrsamkeit gull. He weer Nahfolger vun Paapst Agatho. Up dat sösste ökumenischen Konzil (in Konstantinopel 680 - ok: Darte Konzil vun Konstantinopel) wurr Paapst Honorius I. för sien Ansichten in’n Monotheletismus-Disput as Sympathisant mit Häretikern mit en Karkenbann beleggt. Dat passeer noch ünner de Tiet vun Agatho, wark aber ok noch up Leo II. in, de fortan de Entscheeden good heeten un de Verdammung vun Honorius I. mit Schriften begrünnen dee. He seech in Honorius I. „profana proditione immaculatem fidem subvertere conatus est.“ (in etwa: jemanden, de dör durch gewöhnlichen Verraat versöcht hett, den reinen Glooven körtt to maken.) Ünner den Gedanken vun de pääpstlich Unfehlbarkeit wurrn sien Wöör to en eegen Disput. Sünners de greeksch Text an den Kaiser wiest en anner, mildere Woortwennen, in dem de Terminus „subverti permisit“ statt „subvertere conatus est“ bruukt wurrd, d.h., de Vorwurf luut dorin up Gestatten statt aktiv Verbreeden vun en Häresie,

In de Conciliengeschichte (iii, 294) vun Hefel wurrd dat den wohren Verständnis vun Leo II. ünnerstellt. Wiels dat Pontifikat vun Leo II. wurr de Afhängigkeit vun den Stohl vun Ravenna vun de vun Rom to’n Afsluss dör kaiserlich Edikt fastschreven.

Paapst Leo II. wurr hillig spraaken. Sien kathoolsch Gedenkdag is de 3. Juli, sien Doodstag.

Weblenken[ännern | Bornkood ännern]

Commons-logo.svg Leo II.. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Agatho Paapst
682 - 683
Benedikt II.