Lee Joseph Archambault

Lee Joseph Archambault

Lee Joseph Archambault (* 25. August 1960 in Oak Park, Illinois) is en ehmalger US-amerikaansch Astronaut. Sien Ökelnaam is Bru.

He is verheiraat un hett dree Kinner. Bevör he bi de US-amerikaansch Luftwapen anfungen is, hett he noch twee Universitätsafslüss vun de Universität Illinois kregen.

1998 is he vun de NASA as en Astronaut utsöcht wurrn. 2007 hett he sien eersten Ruumfloog mit dat Space-Shuttle STS-117 (Atlantis) makt. Dorbi sünd he un sien Kollegen nah de ISS flogen, üm de noch en beten wieter to maken un de Stroomversorgen to verbetern.

In' Oktober 2007 wurr Archambault as Kommandant vun de Weltraummission STS-119 indeelt. Bi disse Space-Shuttle-Mission wurr dat letzt Solarzellenelement vun de ISS in't All brocht. De Mission düer van 15. März bit 26. März 2009.

2012 is he as Suldat utscheeden un 2013 hett he sien Loopbahn bi de NASA afslooten.