Langhium

Vun Wikipedia
Wesseln na: Navigatschoon, Söök
Ärathem
Ära
System
Periood
Serie
Epoch
Stoop
Öller
≈ Öller (Mya)
K
Ä
N
O
Z
O
I
K
U
M
höger höger höger jünger
Neogen Pliozän Piacenzium 2,588–3,6
Zancleum 3,6–5,332
Miozän Messinium 5,332–7,246
Tortonium 7,246–11,608
Serravallium 11,608–13,65
Langhium 13,65–15,97
Burdigalium 15,97–20,43
Aquitanium 20,43–23,03
deeper deeper deeper öller

Dat Langhium is in de Chronostratigrafie de drüdde Stoop vun’t Miozän oder Neogen un warrt ok as ünnerste Stoop vun’t middelere Miozän ansehn. Dat Langhium ümfaat den Tietruum vun 15,97 (± 0,05) Millionen Johr bit 13,65 (± 0,05) Millionen Johr vör nu. De Stoop folgt op dat Burdigalium un warrt vun’t Serravallium aflöst.

Naam[ännern | Bornkood ännern]

De Naam vun de Stoop is vun de Landschop Langhe afleidt, de sik na Oosten vun’n Stroom Tanaro in de Provinzen Cuneo un Asti in’t noorditaliensche Piemont utwiet. De Stoop un de Naam weern 1864 vun den italienschen Geologen Lorenzo Pareto vörslahn un in de wetenschoppliche Literatur inföhrt. De Internatschonale Stratigrafische Kommischoon (ICS) hett opstunns noch keen offiziell Tyypprofil för disse Stoop fastleggt.

Definitschoon[ännern | Bornkood ännern]

Dat ünnere Enn vun de Stoop warrt dör dat Insetten vun de Foraminiferen-Oort Praeorbulina glomerosa oder dör de Bövergrenz vun de magneetschen Polaritäts-Chronozoon C5Cn.1n fastleggt. De Wessel na dat folgen Serravallium warrt bestimmt dör dat eerste Opduken vun de Nanofossil-Oort Sphenolithus heteromorphus. Se liggt binnen de magneetschen Polaritäts-Chronozoon C5ABr.

Literatur[ännern | Bornkood ännern]

  • Lorenzo Pareto: Note sur la subdivision que l'on pourrait etablir dans les terrains de l'Apennin septentrional.. In: Bulletin de la Societé Géologique de France. série 2, 22: 210-277, Paris 1864 ISSN: 0037-9409.
  • Felix Gradstein, Jim Ogg, Jim & Alan Smith: A Geologic timescale. Cambridge University Press 2004 ISBN 9780521786737

Weblenken[ännern | Bornkood ännern]