Lüh (Dörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21635 | |
| Vörwahl: | 04162 | |
| Geograafsche Laag: | Koordinaten:53° 34′ N, 9° 38′ O53° 34′ N, 9° 38′ O | |
|
| ||
Lüh (hoochdüütsch Lühe) is en Oort in de Gemeen Jörk in’n Landkreis Stood, Neddersassen.
Geografie[ännern | Bornkood ännern]
Lüh liggt an dat Süüdöver von de Elv in de Masch von Oolland. De Oort liggt op dat rechte Över von de Münn von de Lüh in de Elv. In’n Süüdoosten doot de Eilannen Hanskalfsand, Neßsand un Hahnöversand liggen.
De Naveröörd sünd Hetlingen in’n Noorden, Lülanden, Wedel un Schulau in’n Noordoosten (düsse veer doot op dat annere Över von de Elv liggen, in’n Kreis Pinnbarg in Sleswig-Holsteen), Bossel, Jörk, Wisch, Gehrden un Neenslüüs in’n Süüdoosten, Loodkup un Mittelskark in’n Süden, Steenkark un Höhen in’n Süüdwesten un Greundiek in’n Westen.
Historie[ännern | Bornkood ännern]
Von öllers hett de Aavtbo in Lüh jüstso as in ganz Oolland en grote Rull speelt.
Bet 1962 hett dat noch keen fasten Weg över de Lüh na Greundiek geven. Dat hett blots en Damperbrügg geven. Denn is 1962 dat Lühsparrwark kamen, dat mit en Brügg verbunnen weer.
De Lüchttoorn Mielstack is 1905 boot worrn un eer von 1907 bet 1910 in Bedriev.
In de Franzosentied von 1810 bet 1814 hett de Oort to de Mairie Jörk in’n Kanton Jörk höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Grevengericht Oolland tohöört un denn to dat Amt Jörk. Na 1885 weer dat in’n Kreis Jörk. 1932 is dat Deel von’n Landkreis Stood worrn.
De Oort hett al jümmer to de Gemeen Bossel höört. An’n 1. Juli 1972 is Lüh tohoop mit Bossel denn Deel von de Gemeen Jörk worrn.
In’n Eersten Weltkrieg sünd 23 Soldaten ut Lüh fullen oder vermisst un in’n Tweten Weltkrieg 29[1].
Inwahnertall[ännern | Bornkood ännern]
| Johr | Inwahners |
|---|---|
| 1824[2] | 2 Füürsteden |
Religion[ännern | Bornkood ännern]
Lüh is evangeelsch-luthersch präägt un höört to dat Kaspel von de Nicolai-Kark in Bossel.
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Bossel op’n Karkhoff.
En olen plattdüütschen Snack ut Lüh is Lüh boben, Lüh boben, Rest in Schietgroben.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Lüh löppt de Kreisstraat 39, de in’n Noordwesten na Greundiek an de Landsstraat 140 ran geiht un in’n Süüdoosten na Bossel. Lüttjere Straten gifft dat ans noch na Mittelskark un Steenkark.
För den Verkehr mit de annere Sied von de Elv gifft dat de Lüh-Schulau-Fähr.
De nächste Autobahn is de Autobahn 26 (Afsnidd Stood–Hamborg). De Opfohrt 4 Dullern liggt so acht Kilometer in’n Süüdwesten von Lüh.
De nächste Bahnhoff is so bi negen Kilometer wied weg in’n Süüdwesten in Dullern an de Nedderelvbahn.
Footnoten[ännern | Bornkood ännern]
- ↑ http://www.denkmalprojekt.org/2010/jork-borstel_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 386: http://books.google.de/books?id=tG0AAAAAcAAJ&pg=PA386