Kyrillsche Tallen

Vun Wikipedia
Wesseln na: Navigatschoon, Söök
Klock mit kyrillsche Tallen in Susdal

De kyrillschen Tallen sünd en Tallsystem, dat för Spraken mit kyrillsche Schrift bruukt worrn is, vör allen bi de Süüd- un Oostslaven.

Dat kyrillsche Tallsystem hett 27 Teken för de Tallen vun een bet negen, för de Teihners vun teihn bet negentig un för de Hunnerters vun hunnert bet negenhunnert. Disse Tekens warrt vun links na rechts schreven. En Besünnerheit is noch, dat de Tallen so opschreven warrt, as se spraken warrt. Ok in de slaavschen Spraken is dat nämlich so, dat bi de Tallen vun ölven bet negenteihn de Eeners toeerst (negenteihn un nich teihnunnegen [vergliek engelsch twenty-one för eenuntwintig]) kaamt. De Teihners kaamt aver vör de Eeners (17 warrt also з҃і schreven „71“). Bi de Tallen vun 21 bet 99 is dat aver wedder vun links na rechts. Tallen grötter as dusend warrt mit dat Teken ҂ schreven. Dit Teken bedüüdt, dat dat Teken, wat dor achter kummt, mal dusend nahmen warrt (҂҃ѳ is also 9000). Dat de Tekens nich mit Bookstaven verwesselt warrt, warrt de Tallen mit en Titlo (en Lien över de Tall: ҃) kenntekent.Tosätzlich kann de Tall noch mit lüttje Punkte (·) vör un achter de Tall kenntekent wesen.

De kyrillschen Tallen hebbt sik ut de greekschen Tallen na dat mileetsche System entwickelt. Dorvun hebbt de kyrillschen Bookstaven densülven Weert as jemehr greeksch Gegenstück.

Mit dat 16. Johrhunnert hebbt de Slaven suutje anfungen, mehr un mehr de araabschen un röömschen Tallen to bruken. Mit en Dekret vun Peter den Groten vun 1708 hebbt se denn kumplett de araabschen Tallen bruukt.

Symbol а҃ в҃ г҃ д҃ е҃ ѕ҃ з҃ и҃ ѳ҃
Tall 1 2 3 4 5 6 7 8 9
Symbol і҃ к҃ л҃ м҃ н҃ ѯ҃ о҃ п҃ ч҃
Tall 10 20 30 40 50 60 70 80 90
Symbol р҃ с҃ т҃ ѵ҃ ф҃ х҃ ѱ҃ ѡ҃ ц҃ oder ѧ҃
Tall 100 200 300 400 500 600 700 800 900
Symbol ҂
Tall 1000

Bispeel: 1982 = ·҂аѧ҃пв·

Kiek ok bi[ännern | Bornkood ännern]