Kurt Edelhagen

Vun Wikipedia

Kurt Edelhagen (* 5. Juni 1920 in Herne; † 8. Februar 1982 in Köln) weer en vun de führend düütsch Bigband-Leader vun de 1950er un 1960er Johren.

Leven un Wark[ännern | Bornkood ännern]

Edelhagen studeer an de Folkwangschool in Essen Klarinett un Klaveer un hett dor ok de Dirigentenklass besöcht.

Nah Kriegsenn‘ grünn he 1945 in Herne en Combo, de he bald to en Bigband vergrööter. De Band speel eerst blots in britisch un amerikaansch Suldatenclubs. Bi American Forces Network (AFN) in Frankfort/M. nehm Edelhagen 1948 eerst Rundfunkupnahmen up. 1949 wurr he för den Bayerischen Rundfunk bi’n Sender Radio Nürnberg as Jazz- un Ünnerhollensorchester verplicht un wessel 1952 to’n Südwestfunk Baden-Baden. Edelhagen nehm mit sien Band an de Sendereeg "Jazztime Baden-Baden" vun Joachim-Ernst Berendt deel, de jede Week leep un de dat Orchester wiet över den süüdwestdüütschen Ruum bekannt maken dee. Edelhagen speel hier mit tallriek Stars vun de international Jazz-Szene tosommen, so mit Lionel Hampton oder Chet Baker, to de 1000. Sendung 1956 mit dat Modern Jazz Quartet un Miles Davis. Up de Söök nah en Singerin för sien Bigband hett Edelhagen 1953 in Baden-Baden Caterina Valente opdeckt, mit de he 1954 bi de "Salon du Jazz" in Paris, dat damals führend europäischen Jazz-Festival, uptreden is, as ok bi dat Düütsch Jazzfestival in Frankfort a.M., wo Edelhagen mit sien Orchester mehrfak Gast weer.

1957 gung he to‘n WDR nah Köln, wo he - en Novum in den europäischen Jazz – en internationale Bigband tosommenstell. Hier bleev Edelhagen bit sien Vedrag 1972 dör den WDR uplööst wurr. .

In Köln hett 1958 ok de Jazzklasse vun de Musikhoochschool Köln upbaut, de eerste in hör Oort in Europa. Bit Anfang vun de 1960er Johren weer he hier as Dozent tätig.

1972 speel he mit sien Bigband en vun de längst Medleys in de Musikhistorie: Den Inmarsch vun de Natschonen to de Olympisch Spelen in München. För Idee, Dörführung un Gesamtleitung vun de Begleitmusik to de Olympisch Spelen kreeg he 1973 ebenso as sien Arrangeure Dieter Reith, Jerry van Rooyen un Peter Herbolzheimer da Bundsverdeenstkrüüz Erster Klass.

In sien Big Band hebbt Musikers as Charly Antolini, Jiggs Whigham, Derek Humble, Stuff Combe, Francis Coppieters, Jimmy Deuchar, Rob Pronk, Dusko Goykovich, Rick Kiefer, Ronnie Stephenson, Gerd Dudek, Wilton Gaynair, Shake Keane, Peter Trunk, Carl Drewo, Christian Kellens un Tubby Hayes speelt. To de Arrangeuren vun dat Edelhagen-Orchester hörrn neben Francy Boland oder Claus Ogerman ok tallriek amerikaansch Musikers as etwa Bill Russo, Bill Holman oder Quincy Jones, de 1971 de Schallplaat Kurt Edelhagen plays Jim Webb arrangeert hett. Edelhagen is up tallriek europäisch Jazzfestivals uptreden, ünnernehm völ Tourneen (dorünner 1964 en völbeacht Tournee dör de UdSSR, 1966 dör Noordafrika) un talllos Ünnerhollenskünstler as Peter Alexander, Alice Babs, Bill Haley, Bibi Johns, Hildegard Knef, Evelyn Künnecke, Paul Kuhn, Gitta Lind, Freddy Quinn oder Caterina Valente begleit.

De Opern- un Musicalsängerin Marina Edelhagen is sien Dochter. Bisett wurrn is he up den nee’n Karkhoff in Köln-Weiden.

Gedenken[ännern | Bornkood ännern]

Nah sien Dood wurrn in Köln en Straat, 1992 in sien Heimatstadt Herne in de Stadtbezirk Sodingen en Platz nah hüm nömmt.

Diskografie (Utwahl)[ännern | Bornkood ännern]

  • 2005: Die Grossen Deutschen Tanzorchester: Kurt Edelhagen und sein Orchester (LP/Membran Music)
  • 1972: Olympia Parade 1972 Orchester Kurt Edelhagen (LP/Polydor)
  • 1966: Kurt Edelhagen And His Orchestra (LP/Karussel)
  • 1964: Kurt Edelhagen - Wolfgang Sauer (live-Mitschnitt am 16. Juni 1964 im Friedrichstadt-Palast in Ost-Berlin, LP/AMIGA)

Literatur[ännern | Bornkood ännern]

  • [Anon.:] Präzis wie die Preußen. Edelhagen. In: Der Spiegel. Hamburg. Nr. 43, 22. Oktober 1952. S. 27-30 (Spiegel-Titelgeschichte: Eisgekühlter Hot. Bis die Lippen bluten: Jazz-Kapellmeister Edelhagen.)
  • [Anon.:] Vom Quartett zur glanzvollen Big Band. 10-jähriges Bandleader-Jubiläum von Kurt Edelhagen. In: Jazz Podium. Stuttgart, München, Wien. Nr. 12, Dezember 1955, S. 4
  • Wolfgang Dohl: Kurt Edelhagen. In: Jazz Podium. Stuttgart, München, Wien. Nr. 2, Februar 1961
  • Werner Höfer: Jazz und ein paar Tränen. Kurt Edelhagen und seine Konzerte zwischen Moskau und Dresden. In: Die Zeit. Hamburg. 26. Juni 1964 (Interview mit Edelhagen)
  • Wolfgang Dohl: 25 Jahre Orchester Kurt Edelhagen. In: Jazz Podium. Stuttgart. Nr. 11, November 1970, S. 392-392
  • Wolfgang Dohl: Edelhagen und Erwin Lehn. In: Jazz Podium. Stuttgart. Nr. 7, Juli 1972, S. 235-236
  • Joachim Ernst Berendt: In memoriam Kurt Edelhagen. In: Jazz Podium. Stuttgart. Nr. 4, April 1982, S. 12-13
  • Armando Bausch: Kurt Edelhagen. In: Ders.: Jazz in Europa. Echternach, Lux.: éditions phi, 1985. S. 74-81. (Enthält en Interview mit Edelhagen, wohrschienlich ut de laat 1970er Johren).
  • Wolfgang Dohl: Trumpet Blues. Das Orchester Kurt Edelhagen. In: Jazz Podium. Stuttgart. Nr. 7/8, Juli/August 2003, S. 14
  • Volker Jakob: Swinging Germany. Der Jazzmusiker Kurt Edelhagen. In: Westfalenspiegel 3/2009, S. 55

Weblenken[ännern | Bornkood ännern]