Koreaansche Naams

Vun Wikipedia
Wesseln na: Navigatschoon, Söök

Bi de koreaanschen Naams kummt toeerst de Familiennaam un denn de Vörnaam. In Korea hett de Familiennaam mehrsttiets ene Sülv un de Vörnaam twee. Utnahmen sünd roor.

Vörnaams[ännern | Bornkood ännern]

Vörnaams hebbt mehrsttiets twee Sülven. Rorer sünd Vörnaams mit blots ene Sülv. Vele Vörnaams gaht för Jungs un Deerns. Ok wenn dat in de Regel ene Tendenz gifft, ob dat ehrder en Jungs- oder en Deernsnaam is, is dat doch nich utslaten, dat dat ok mal anners is. Bi de Mannslüüd is dat in vele Familien begäng, dat een vun de beiden Sülven en Generatschoonsnaam is, den se mit annere Lüüd ut jemehr Familie deelt, de ut de sülve Generatschoon stammt.

Familiennaams[ännern | Bornkood ännern]

So deelt sik de wichtigsten Familiennaams op

In Korea keent se kene so grote Tall vun Naams as in annere Kulturen. 47 Perzent vun all Koreaners (Süüdkoreaners) hebbt een vun de dree Naams Kim, Lee un Park. De Rest deelt sik op üm un bi 300 annere Naams op (to’n Vergliek: in’t düütsche Rebeet gifft dat hunnertdusende Familiennaams). In Korea warrt dat eenfache Volk denn ok Baekseong (백성, 百姓) nöömt, wat „de Hunnert Naams“ heet.

Bi de Heiraat blifft de Fro bi ehren Deernsnaam. De Kinners heet later aver all na den Vadder.

De teihn mehrstbruukten Familiennaams (blot ut Süüdkorea liegt Tallen vör) sünd:
Naam Hangeul Hanja Antall Lüüd Perzent vun all
Kim 12,8 Millionen 23
Lee/Yi/Rhee/I/Ri 이/리 8,7 Millionen 15
Park/Pak/Bark/Bak 5,0 Millionen 9
Choi/Choe 2,8 Millionen 5
Cheong/Chung 2,6 Millionen 4,6
Kang/Gang 1,4 Millionen 2,4
Cho/Jo 1,3 Millionen 2,2
Yoon/Yun 1,2 Millionen 2,1
Chang/Jang 1,2 Millionen 2,1
Lim/Im 임/림 0,98 Millionen 1,7

Bi den Zensus vun 2000 hebbt vun alltohoop 45.985.289 Lüüd blots 43.090 enen vun de acht Naams hatt, de ünnen steiht un twee Sülven hebbt. En poor annere Naams mit twee Sülven gifft dat noch, aver se sünd doch roor. Villicht een vun Dusend Koreaners hett enen Familiennaam mit twee Sülven.

  1. 18.743 Lüüd: Namgung (남궁, 南宮)
  2. 9.148 Lüüd: Hwangbo (황보, 皇甫)
  3. 4.444 Lüüd: Jegal (제갈, 諸葛)
  4. 4.307 Lüüd: Sagong (사공, 司空)
  5. 3.560 Lüüd: Seonu (선우, 鮮于)
  6. 1.861 Lüüd: Seomun (서문, 西門)
  7. 807 Lüüd: Dokgo (독고, 獨孤)
  8. 220 Lüüd: Dongbang (동방, 東方)

Koreaners in’n Westen[ännern | Bornkood ännern]

De Transkripschoon in’t latiensche Alphabet is nich eenheitlich, dorüm hebbt vele Naams verschedene latiensche Varianten, de Naam Lee kann ok Yi, Rhee, I oder Ri schreven warrn. Todem warrt dorbi faken (aver lang nich jümmer) ok noch de Reeg ännert un de Vörnaam as in’n Westen begäng na vörn schreven.