Konstantin Petrowitsch Feoktistow

Vun Wikipedia

Konstantin Petrowitsch Feoktistow (russisch: Константин Петрович Феоктистов); * 7. Februar 1926 in Woronesch, Russische SFSR; † 21. November 2009 in Moskau) weer en sowjeetsch Kosmonaut.

He hett anfangs en Böverschool besöcht. De Schoolutbildung wurr aber ünnerbraken, wiel he in den Tweeten Weltkrieg Wehrdeenst leisten muss. Nah dat Kriegsenn’n hett he de School weer besöcht. 1949 hett Feoktistow sien Afsluss an de Technisch Hoochschool in Moskau makt. Feoktistow hett denn in de folgend Johren an verscheeden Forschungsinstituten arbeidt un wurr 1955 Kandidat vun de Technisch Wetenschapen.

Af 1964 wurr he to en Ruumfohrer utbildt. Während disse Tiet hett aber ok noch sien Doktertitel kregen. As eerst parteiloser Wetenschapler hett he an Bord vun Woschod 1 tosommen mit Wladimir Michailowitsch Komarow (Kummandant) un Boris Borissowitsch Jegorow van’ 12. Oktober bis 13. Oktober 1964 en Ruumfloog vun 1 Dag un 17 Minüt Düer makt. Dat weer dat eerste Mal, dat dree Ruumfohrer in en Ruumschipp flagen sünd.

An’ 21. November 2009 is Feoktistow in Moskau mit 83 Johren storven.

Weblinks[ännern | Bornkood ännern]