Konrad Hansen
Konrad Hansen (* 17. Oktober 1933 in Kiel) is en düütschen Schriever, Speelbaas un ehmalger Intendant vun dat Ohnsorg-Theater.
Nah sien Studium vun Germanistik, Philosophie, Volksweertschap un Theologie in Kiel un Freiburg im Breisgau weer he eerst Redakteur un denn Programmgestalter vun de Abteilung Hörfunk bi Radio Bremen. Vun 1979 (oder 1980) bit 1986 weer he Intendant vun dat Ohnsorg-Theater, dornah (1987 bit 1994) vun de Nedderdüütsche Böhn in Flensborg. Hüdtodag leevt he in Grootsolt in’n Kreis Sleswig-Flensborg.
To sien Warken höören de Stücke Die Männer vom Meer, Simons Bericht, Die Rückkehr der Wölfe, Der wilde Sommer (allens Romans), Twüschen Himmel un Eer, Vun Minschen un Lüüd (Erzählungen), Sünst geiht’t danke (Plattdüütsch Gedichten) un Geiht narms bunter to as in’t Leben (Höörbook).
[ännern] Utteknungen
- 1962 Hans-Böttcher-Pries vun de Stiftung F.V.S. to Hamborg (för ‚Den Eenen sien Uhl‘).
- 1975 Fritz-Stavenhagen-Pries vun de Stiftung F.V.S. to Hamborg (för dramatisch Wark).
- 1984 Quickborn-Pries vun de ‚Quickborn‘, Vereenigung för nedderdüütsch Spraak un nedderdüütsch Schriftdom e.V., Hamborg.
- 1992 Nedderdüütsch Literaturpries vun de Stadt Kappeln.
- 1996 Kulturpries vun de Kreis Sleswig-Flensborg.
